Ter man wan na ve mough gôgô zende vea jaki ve.

Mba dugh sha gbenda yô, ior mbagenev pine ve ityôkyaa i ve henda jaki ga yô.

Tsô ter la kaa a wan na er a unde sha jaki. Un di lu zenden angahar.

Ve yem nahan dôlôô je.

Kwe ior ugen zua a ve gba zôhôn, "Wan ne cihi kwagh tsô! Nenge a tema sha jaki, ter na gema ngu zenden angahar!"

Kwagh ne na wan la tsuwe gba shin nya man ter na kar henda.

Ve zahemen a zende.

Ior mbagenev mba nengen a ve yô, ve gba ahon, "Ter ne lan kwagh tsô! A henda jaki wan na ngu zenden angahar!"

Ter man wan cii man ve henda jaki imôngu.

Shien kpua yô, ior mbagenev gba kaan er, "Nenge abumeaior ne! Ve soo u wuan jaki ne?"

Ken masejime yô, ter man wan ve mase kaven ye gbenda môm kpa ngu u palegh alam a ior ga.

Ve mase eren er ve nenge doo ve yô.