Aruaŋanie Amôlôŋ iko Eenyiaŋ ilotifor tafar.

"Imanya iyye ajia?" Ifî Amôlôŋ.

Itarraŋak Eenyiaŋ jio, "Itua tafar."

"Imanya iyye ajia?" Ifî buo fê Eenyiaŋ.

"Ihîdê ꞌyani," Itarraŋak Amôlôŋ.

"Imîjak iyye êrrîŋîta?" Ifî Eenyiaŋ.

"Abeŋ nî amîjak êrrîŋîta," ajio Amôlôŋ.

"Ettiyen nî iyye," Ajio Eenyiaŋ.

"Hêbaŋ, êsô ôlôrrîahat," ajio Eenyiaŋ.

"Môlôŋ, oŋuaî îmanyi hoŋ. Awak eriŋo," Ajio Eenyiaŋ.

Abaŋ Amôlôŋ.

Igigilo jio ôlô ꞌtadî Eenyiaŋ anîa îhûanya inyi?

Awak Amôlôŋ ifuhorôrô addi jio Eenyiaŋ anîa.

Iyyiu Amôlôŋ ôfîôrô.

"Alô nî isiarana iyye ataji hoŋ, ôŋîda illo isiarana inyi," ajio Amôlôŋ.

"Atî, owon ataji hoŋ îhîdê ꞌyani, ilotifor tafar diyya," Ajio Amôlôŋ.

"Ilo adî iyye îdûhûna ataji hôî?" Ajio Eenyiaŋ.

"Aafê," iruhok Amôlôŋ.

Inyiak Eenyiaŋ anîa îrrîŋî ilotifor tafar. Ettê Amôlôŋ îŋîôrôn attua 'yani.

"Obîaŋarak iyye ôrrîahata hoŋ. Inyôb iyye nanî," ajio Eenyiaŋ.

"Ebeŋ êra ôlôrrîahat. Iwak iyye îhûanya nanî!" Itarraŋak Amôlôŋ.