Jio ayafajin arriaî hunyia allaŋî ꞌtô, obeŋi nyia edohuo owoni îhîdê idou. Ettê hobu Nyadîŋa îhûma ahîdê.

Attubunei nyia miji ꞌdaŋ îhaŋ Nyadîŋa, buo îhawwaî ꞌdaŋ asayyo huno eyihina hunno ôlô Nyadîŋa îramana isi.

Hinya ajiŋu Nyadîŋa illet, îramak nyia inyi jio miji hunyia ôttûbaî ꞌtô îhaŋ honyi jio jio, ôlô ahîdê îsayô gaa dinia.

Oŋîda isi ofuoi itterio arômô.

Abalaî nyia aduri ꞌdaŋ illet buo miji îtîlaî asayô hîdê.

Jio ôlôŋ lîa, egonyu nyia hôhôî edohuo ôdôhûnî tê iduaŋi hôlôŋ. Amîjak nyia nî jio edohuo hîdê hûa.

Hegigiloi nyia aatî ꞌdaŋ êram noduo îramak isi hobu Nyadîŋa.

Ikîana îyaŋ woŋ-woŋ, "Hûa! Iriohi edohuo. Ifuanna itua haji."

Attatî ahîdê îsayô ônnô ôbôlô.

Etîla nyia hôhôî ahîdê! Têttêrî, emuno nyia hôhôî.

Atî, abeŋ ahîdê anîa owotia.

Ibûl aarî afaû ꞌdaŋ.

Awôrôrô aarî aŋati kuburo ênnê itinosok ꞌtô amiji hôhôî iko ebotie miji.

Ibûl aarî amiji êttê ôwôrôrô iko asik.

Ayito narîŋ ninyia ôsô ꞌtô ajaha, atarus jihôhôî.

Ittûttûbanî nyia aatî ꞌdaŋ êrrê eromiti. Buo ihuania abeŋ tulo ôlô inyiak îrômô. Awahî nyia miji hôhôî ahîdê bêbê, buo ihuania, abeŋ tulo inyiak wahan ahîdê.

Abeŋ akuburo ênnê êllaŋîtarî hôhôî. Abeŋi aatî arriaî iko ahaŋitek.

Awon nyia buo fê ôbô nêram! Isarraunî nyia anyaŋi ꞌdaŋ itua miji.

Many fê ꞌdaŋ tô berien, hobeŋ nyia ôbô narîŋ ôsô ihuania. Ettayata nyia hôhôî.

Abeŋi nyia aatî ꞌdaŋ adahaî inyiaŋa hîrrê îdûkanî ta awanan dûkanî ilotifor harî tôlê.

Obeŋi nyia buo fê aduri ofuoi isukuli ta awanan sukuli ilotifor harî tôlê.

Narîŋ ninyia ôsô ꞌtô ajaha, ayito êpît jihôhôî. Obeŋ nyia buo fê Nyadîŋa omuno êram anîa.

Atulo abotie linyia omuno ꞌtô êram anîa, inyi Hacûr iko agurrio honyi hottohunik buo eŋok abotie.