Abebe nyôr makeranta nyom i hii hii.

Ter na lu orsule. Nyom igen tsô ter na kaha ishwa ken tsa na.

Hanmô yange Abebe un a due makeranta yô a dondo ter na ve yar ken tyev.

Hen kpe sule ve la agirigi u gbidyen bol lu her.

Iyange igen atetan, zum u Abebe lu huren inyon yô, mbayev Nasela u nyiin va u gbidyen bol.

Bol la tsuwe man gba ken sule ishwaa.

Bol la cagh ishwa. Wan ugen ken ve nyôngosu nyôr ker er un a tôô bol shon. A hemba caghen ishwa la seer.

Ve za hemen u gbidyen bol. Bol gba ken ishwa kimbir ki kimbir.

Mbayev Nasela kpa gba wer u nyôron tôôn bol la ga. Hanmô shien yô ve cagh ishwa ve seer.

Vanger gba pughur Abebe vea ter na sha mvihi u mbayev mbela lu vihin ve ishwa la.

Abebe kua Ter na cii, ve fatyô u lamen Nasela ga. Ve fa u vea kaa a mbayev mbela er, "De nyôron ne ken sule. De caghen nen se yiav!" ga.

Mbayev mbela kpa fa zwa ugen ga saa di Nasela.

Ter u Abebe kaa a na er, "Wan wam, kwagh u u hen ken makeranta la cii er tom a min. Kaa ve ve de gbidyen bol tan ken sule!"

Shie ne nahan yô, Abebe hen di agbenger Abaacaa - A, B, C, D, E, F, G, H di tsô.

Abebe soo er una nande a mbayev mbela. Kpa a fa asember ken zwa Nasela ga.

Bol kpa mem u gban ken sule ishwaa ga. Môm ken mbayev mbela cir sha bol nyôr ken sule.

Abebe man torough gba za sha wan la jingir ave. A gba ngoron.

A ngor genger genger sha a fatyô na cii, "A, B, C, D, E, F! A ngor kwa tar, "A, B, C, D, E, F!"

Mbayev Nasela mbela de yevese ken sule ishwaa. Ahuraior na a ken agirigi tile jigh gba kenger Abebe.

Ve lam ayolave ken zwa Nasela man ve gba sen. Ve kav kwagh u Abebe lu ôron yô.

Wan la tôô bol man ndyar teghlee teghlee due.

Mbayev Nasela mba unyiin mbela ve yem ca a sule ve gba za gbidyen bol ve.

Kpiligh ter u Abebe iyol. A na jighjigh er Abebe lam zwa Nasela.

Ter na kaa er, "Ngwa wan wam, u taver ishima shi u ngu tsev tsev!" Ter na ta ave vanger a na.

Kunda Abebe iyol shi saan un iyol kpaa. A fa kwagh u una ôr ga.

Ter u Abebe taver un ishima er a hen makeranta sha gbashima, shi za hemen u henen kwagh shien u una due makeranta kpaa.

Abebe hen ijô i tiar kposo kposo shi fa i tsembelee. A hingir orngeren kwagh man geman ken ijô I gen.