Kgale kgale, ge dihlapi di be di hloka mebala, go be go nale hlapi yeo leina la yona e lego Pono. Leina le hlaloša go bonela pele.

Pono o be e dula le dihlapi tše dingwe lewatleng la kgauswi le naga ya Afrika-Borwa.

Ka letšatši le lengwe, Pono a ntšha hlogo ka ntle ga meetsi.

Hlapi e ile ya bona molalatladi ka mebela ye mebotse.

Pono a kgahlwa ke mebala yeo ya molalatladi.

Pono a dumediša molalatladi a re, "O yo mobotse bjang ka mebala ya gago ya go taga. Hle, ke kgopela o abelane le nna mebala ya gago?"

Molalatladi o be o thabile kudu gape wa leboga hlapi ka mantšu a ma botse a go tumiša.

Molalatladi o ile wa araba wa re, "Ke tla abela mebala le wena gomme le wena o tla ba molalatladi. Ke a tseba gore re tlile bagwera."

Molalatladi o ile wa futšwetša moya mmeleng wa Pono gomme mebala ka moka ya phatlalala mmeleng wa hlapi.

Pono be thaba kudu go bona mmele wa yona o nale mebala ye mebotse, go swana le molalatladi.

Hlapi e ile ya leboga mogwera wa yona.

Pono o ile a ruthela fase ka meetsing. Dihlapi ka moka di be di maketše go bona mmele wa Pono ka mebala ye mebotse ya molalatladi.

Dihlapi tše dingwe di ile tša kgobokanela Pono, yena o ile a ba anegela gore go diregileng.

Dihlapi tše dingwe di ile tša mmotšiša ge e ka ba molalatladi a ka abela mebala le bona.

Pono o ile a re mogwera wa gagwe o lokile kudu gape o a thuša.

Dihlapi ka moka tša ntšhetša dihlogo ka ntle ga mmetsi go bolela le molalatladi.

Molalatladi o ile wa kgopela hlapi ye ngwe le yengwe go kgetha mebala.

E ile ya futšwetša mebala go dihlapi, gomme tša taga ka mebala.

"Re a leboga, molalatladi!" gwa realo dihlapi.

Ke ka moo dihlapi di hweditšego mebala ka gona mmeleng wa tšona.