Thakgalo ka hlalošo ke gore lethabo.

Thakgalo ke motho yoo a šomišago setulo sa go thweta.

Ba lapa le bagwera ba mo rata kudu.

Thakgalo o rata mmino kudu.

Bagwera ba gagwe ba rata go bina le go mo letšetša mmino.

Bagwera ba gagwe ba ile ba tsenšha sepikara sa mmino setulong sa Thakgalo sa go thweta.

Ge a kgoma lehlakore le tee setulong sa go thweta, mmino o be o raloka.

Thakgalo o be a tla itšhudulla, a binele mmino setulong sa gagwe sa go thweta.

O be a ithuta go bina a le noši, gape a thoma go bina mmogo le bagwera.

Ka letšatši le lengwe bagwera ba gagwe ba ile ba bona papatšo ya phadišano ya go bina kuranteng.

Ba ile ba kgopela mma wa Thakgalo ge ba ka mo tsenela phadišanong yeo.

Mmago'Thakgalo o ile a ba dumelela.

Bagwera ba Thakgalo ba ile ba kgopela mma wa Thakgalo go ba adima sellathekeng go dira tlhagišo ya go ya phadišanong ya go bina.

Ba ile ba dira setšweletša sa Thakgalo a binela mmino woo a o ratago kudu, morago ga moo ba romela setšweletšo seo go tsenela phadišano.

Thakgalo a kgethwa go ka tsenela phadišano.

Letšatši la phadišano le ile la fihla.

Thakgalo a apere diaparo tše botse tše difsa.

Ge mmino o raloka, o ile a bina gabotse ka bokgwari le ka lethabo.

Batho bao ba tlilego phadišanong ba goelela leina la gagwe, "Thakgalo! Thakgalo!"

Ka nnete e be e le nkgwete ya go bina letšatšing leo.

Thakgalo o ile a thopa sefoka sa phadišano le dimpho tše dintšhi.