Mmabotse o be a dula le koko wa gagwe motseng wa Ga-Nchabeleng.

Mme wa Mmabotse o be a šoma kgole le gae gomme a boa fela ge kgwedi e fedile.

Mmabotse o be a rata koko wa gagwe kudu.

Koko o be a nale mašemo a magolo a mmidi. O be a eya mašemong ka mehla go yo hlola dibjalo.

Dibjalo tša gagwe tša mmidi di ile tša golela godimo -godimo kudu moo o bego o ka se kgonego go bona koko.

Ka mehla ge Mmabotse a boa sekolong o be a goelela Koko wa gagwe.

"Koko, naa o kae?" o be tla goelela kudu eupša koko a sa mo kwe.

Mmabotse o be a tlela ke letšhogo ge a sa mo hwetše.

Mmabotse o ile a kgopela mma wa gagwe gore a rekele koko sellathekeng.

"Ke tla ruta koko go šomiša sellathekeng. Go tla ba bonolo go hwetša koko ka mašemomg," a realo Mmabotse.

Mma'go Mmabotse a rekela koko sellathekeng.

Mmabotse o ile a ruta Koko go araba sellathekeng.

O ile a re, "Koko ge o kwa sellathekeng se dira modumo, gatelele leswao la mmala o motala gomme o e beye tsebeng o theeletše. O thome go araba."

O ile a tšwelapele ka gore, "Ge o fetša go bolela, o gatelele leswao la mmala o khibidu."

O ile a ruta koko makgetlo a mantšhi.

Mmabotse a boa sekolong, a letšetša koko sellathekeng.

Koko o ile a araba gomme a boa ka gae. Go tloga nakong yeo go ile gwa ba bonolo go hwetša koko ntle le go goelela.

Koko o be a thabile kudu ka go kgona go šomiša sellathekeng. A rata ge a kgona go letšetša mma'go Mmabotse le ba bangwe.

Koko o ile a re go Mmabotse, "Ke go rata kudu. O nale pelo ye botse go swana le leina la gago."