LaMorena mesong, Moapei ka lefelong la go rekiša dijo o ile a bea manki wa dienywa go dira salate ya dienywa.

Dienywa di ile tša thoma go boledišana.

Apolo ya re, "Nna ke loketše mmele, Moapei o tlile go kgetha nna."

Panana ya re, "Nna ke yo serolwana gape ke tagile, "Moapei o tla kgetha nna."

Piere ya re, "Nna ke nale sebopego se se botse, Moapei o tla kgetha nna."

Phaeneapolo ya re, "Nna ke bose ebile ke nale monkgo wo bosana, Moapei o tla kgetha nna."

Phaeneapolo ya napa ya pitlagantšha ya pšhatlelela dienywa tše dingwe go ba ka godimo.

Moapei o be a theeleditše poledišano yeo, a re, "Aa! manki o mo botse wa dienywa."

Dienywa tšona di ile tša thoma go goelela, "Kgetha nna, Kgetha nna fela!"

Moapei o ile a ntšha apolo pele go e iša sekotlelong. Apolo e be e thabile ya sega dienywa tše dingwe.

Dienywa tše šetšego di be di goelela di re, "Kgetha nna, Kgetha nna!"

Seenwya sa bobedi go kgethwa e bile panana. O ile a e iša ka sekotlelong.

Apolo le panana di ile tša sega dienywa tše dingwe. Dienywa tše šetšego ka manking di be di goelela di re, "Kgetha nna, Kgetha nna!"

Moapei a kgetha seenywa sa boraro. E be ele piere.

Phaeneapolo e be e šetše ka manking e lla, e re, "Kgetha nna! Kgetha nna!" Mafelelong, Moapei a kgetha phaeneapolo.

Dienywa tša makala ka ge di kgethilwe ka moka.

"Ye ke salate ye lokilego, ye tagilego, ye agago mmele, ye bopegilego ga botse, gape e bose kudu," Moapei a sega.

Dienywa di be di ikgantšha gape di thabile. Tša lemoga gore ka moka di bohlokwa.

Dienywa tša thoma go opela, "Kgetha nna! Kgetha nna! Kgetha rena ka moka!"

Batho ka lefelong la go rekiša dijo, ba rata koša yeo gomme ba reka salate ya dienywa.