Ase emiaka emenge, egetunwa ki'Olokwango nigo giatenenete kegoseka gatigati y'eroro y'Akwere. Korwa ase chimboto na ase ensemo yaye chinsoko ibere inchiarwete aroro nakoumerana korosia oroche oronene oromo. Oroche oro, nigo rwarenge korokwa Temu naende nigo rwarenge kominyoka rokweminamina ase eroro eria ya kwene. Nigo rwarenge gokonya etugo yechiombe, ching'ondi amo n'echimbori nakomenta nayio amo nechingabi chiorosana chiarenge ase ayio.

Ebinto nigo biarenge ebitoereru baka ekero Matata abete omoteneneri. Akarua okoraa buna enchera erosigwe korwa igor yegetunwa keria mbaka nse erine anyore ase akorinera egetunwa nagweturungania gochio nse ng'ora igo. Egetunwa keria ki'Olokwango gekagechigwa mono okoba yogosariwa koria gwechinderu chiaye, gotatiga rende akaremereria.

Ekero Ki'Omokubio, abana ba'Matata amo nabasani babo nigo barenge korina egetunwa keria gochiesa. Nigo barenge kominyoka kera ase, bakobuna emete nechinsaginsagi, nagouta emerero barenge gotiga kegwoka. Engaki egaeta, Olokwango akagechiwa mono. Ng'ora ng'ora ogoseka koria kwaye kogachaka gosira. Chimboto chiria chiaye chigachaka gokea na gokea nobosio bwaye bogachaka konyira. Omoerio ndoche chiria ibere chigasira.

Chingabi chiria chigatama ekiagera bonyansi botambe tibwarengeoo ase barenge gochiesera. Ching'ondi amo n'echimbori chikarea nakorea mono. Kera omonto akaigwa oboro boria egetunwa gio'Okwalango kiaigwete.

Abanto b'Akwere bakaamua buna goika babwenerete gokora egento gete. Bakabwaterana nakomorusia Matata ase obogambi. Ase ribaga riaria riaye bagachora Baraka abwo abwo orwete eamri buna kera omonto asimeke rioga ribe ekeinyorio kiamatuko aria yemechando. Baraka n'abanto baye bakaba nemeyega yokogokia Okwalangu naboigo nakorentera Okwalangu emete ao ao buna chibakora, emeringamu amo n'emesocho.

Onde taiyo bwancheretwe kogenda ase egetunwa keria naende, nokoba yaigo obonyansi boria bokanyora ribaga kwama naende. Ng'ora ng'ora ogiseka koria gw'Okwalangu gokairana nagokina mono amo n'echimboto chiaye naende chigakina. Korwa ase chimboto chiria, chinsoko chiria chikaminyoka naende. Noroche roria rwarenge korokwa Temu rokairana anende. Eroro ekaba naende machani nonya kobua buna yarenge kare. Chingabi chigacha chikaria obonyansi naende chigogete.

"Ochi kare Baraka, ochi kare Baraka!" Abanto baria ba'Kwere bagatera. "Ochi kare Olokwango!" Baraka nabanto baye bagateba. "Gaki tiga abana baito amo n'abana babo bagosike botambe bokongu!"