UOscar wayesisenene esincinane esinomehluko. Wayehlala nabahlobo bakhe abazintlanzi, elwandle. Abahlobo bakhe babengamphathi kakuhle oko.

Abahlobo bakhe babesoloko behlekisa ngaye."UOscar ozuba okwebhotile ezuba" babesitsho xa behlekisa ngaye.

Iintlazi zazimhleka xa equbha ngakwizityalo zaselwandle. Bathi "Oscar, umdakana okwalamagqabi oqubha ngakuwo."

UOscar wayezihlalele esantini ebunzulwini bolwandle, iintlanzi zayomkwaza: "Umhlophe okwegwebu lo lwandle."

"Oscar uluhlaza okwengca encangathi yolwandle, hahahahahaha." iintlanzi zazitsho zimhleka, ngoba umbala wakhe wawutshintsha ufane nento asecaleni kwayo.

Ngenye imini, kwafika ukrebe onemigca. Iintlanzi zonke zazisoyika futhi zothukile. Zazigilina, zibaleka zizama iindlela zokubaleka nokuzifihla. UOscar wangena Phakathi kwamatye, wajika wafana nawo. Ukrebe onemigca wangamboni.

Iintlanzi zazitulatula, zibaleka, zigilana zizama iindlela zokuzikhusela. Ukrebe wayebanqakula, nganye nganye. UOscar wayekhuselekile Phakathi kwamatye, kungekho mntu ombonayo ngoba wayevele wafana nawo.

Wadinwa ukrebe wahamba. Xa ukrebe egqiba ukuhamba, iintlanzi zadibana. UOscar waphuma ematyeni, iintlanzi zakhwaza zonke ngexesha elinye zathi: "Yhoo Oscar! Besingayazi ukuba isiphiwo sakho sokutshintsha imibala singakunceda oluhlobo! Siyaxolisa ngokukugezela". UOscar wayezingca. Ekugqibeleni wakubona ukubaluleka kwesiphiwo sakhe, sokukwazi ukutshintsha umbala afane nokumngqongileyo"

Ukrebe waphinda wabuya. UOscar wajika waluhlaza okwengca yolwandle, iintlanzi wazikhusela ngokuzifihla emva kwakhe. Ukrebe wangaziboni.

Ukrebe waqubha wagqitha kubo engababoni. Wayezibonela ingca yolwandle ende, futhi eluhlaza.