Nyalnde feere, min ngi'i ruldere ɓaleere e wanngoya daga daayiiɗum.

Ɗum ruldere baɓatti, e ɗi paɗoyi gure amin.

Baɓatti nasti gese, ɗi nyaami aaweeji fuu.

Min kaɓdi riiwugoɗi, ammaa ɗi cali dillugo.

Min ngaɗi hooloore, min ngulli, "Wuuu! Wuuu!"

Ammaa baɓatti ndillaayi.

Min piyi goŋgoŋji bee payanɗe jamɗe, ammaa baɓatti ndillaayi.

Min kuɓɓi hiite ngam riiwugo baɓatti, ammaa ɗi ndillaayi.

Ɗi koɗi dow leɗɗe. Lise ngewi ngam tedduɗum baɓatti.

Sey min numti, asee, baɓatti juɗaaɗi e mbeli nyaamugo!

Koo moye fuɗɗi mooɓugo baɓatti nder buhuuje bee raagaaji.

Ɓiɓɓe ngaddi paali kebbiniɗi bee baɓatti.

Min njuɗi baɓatti, min ca'iɗi, haa min njorni goɗɗi, kewtayɗi ndunngu, ngam sigaago.

Ammaa baɓatti timmaayi, e ɗi lutti.

Sey fini fajiri, baɓatti piiri, ndilli.

Ruldere nden ali wuro amin.

Nde remooɓe ngi'i gese maɓɓe, ɓe mboyi semmbee, "Gese amin mbonnidaama!"

Himɓe wuro mboyi, "Ɗume nyaameten hikka? Ɗume baɓatti alani'en?"