Ndenno e wooduno laamorde mawnde.

Ton laamiiɗo bee ɓiɗɗo maako debbo ŋarinɗo njooɗino.

Nyiiwa jooɗii haade laamorde wakeere narre.

Doonyorgal jooɗorii wakeere nyaamre.

Sey hokkere ɓurnde semmbe waɗi e leydi ndin.

Laamiiɗo e woodi dabare, sey mo lilani dabbaaji gonɗi haade maako ɗiɗi, ɗi ngara laamorde.

Laamiiɗo on wi'i nyiiwa e doonyorgal, "Mi umrii'on, on dampa leydi bee koyɗe mon naa to ndiyam wurtake."

Laamiiɗo wi'i, "Ndabbawa burtinnga ndiyam fuu, mi hokkaynga ɓiɗɗo am debbo, ngam ɓaŋgal."

Doonyorgal tammaaki heɓugo jaalorgal ngam ngal famɗi. Nyiiwa boo seyioosey ngam nga mari ɓanndu e semmbe.

Nyiiwa sey dilli saabeere, waɗi ka dampugo leydi.

Sollaare waɗi waanee, ammaa ndiyam walaa. Nyiiwa dampi leydi haa ndiyam ɓadii wurtaago, sey nga tampi, semmbe timmi.

Nyiiwa hokki doonyorgal haɓda dampa leydi.

Doonyorgal fuɗɗi dampugo leydi. Wakkati seɗɗa, sey ndiyam wanngi, wurti.

Himɓe paamaayi ko gite maɓɓe ngi'i, ɓe kayɗini!

Sey laamiiɗo hokki doonyorgal ɓiɗɗo maako ŋarinɗo.

Nyiiwa hooti e ɓerni.