Nga ṅwaha wa mmbo na tsikidzi, Ḓuvha, Ṅwedzi, Mvula na Muya vho vha vha tshi khou lwa.

Thaidzo ndi uri Ḓuvha u ṱoḓa u penya ḓuvha ḽoṱhe.

Ṅwedzi u ṱoḓa u vhonetshela tshedza tshawe ḓuvha ḽiṅwe na ḽiṅwe.

Mvula u ṱoḓa u na ḓuvha ḽiṅwe na ḽiṅwe, nahone Muya u ṱoḓa u vhudzula ḓuvha ḽiṅwe na ḽiṅwe.

Vho vha vha sa ṱoḓi u sielisana.

Vha khetha uri vha dzule vhoṱhe fhasi vha amba ngazwo.

Ḓuvha a vhudzisa Ṅwedzi, "Ndi mini zwine wa ita u thusa ḽifhasi?"

Ṅwedzi a fhindula, "Ndi vhonetshela vhusiku uri zwipuka zwi zwime."

Ṅwedzi a vhudzisa Mvula, "Ndi mini zwine wa ita u thusa ḽifhasi?"

Mvula a fhindula, "Ndi fha ḽifhasi maḓi uri miri na zwimela zwi hule zwavhuḓi. Ndi fha zwipuka maḓi a u nwa."

Mvula a vhudzisa Muya, "Ndi mini zwine wa ita u thusa ḽifhasi?"

Muya a fhindula, "Ndi swiela ḽifhasi ḽa kuna. Ndi hasekanya mvula kha ḽifhasi ḽoṱhe."

Muya wa vhudzisa Ḓuvha, "Ndi mini zwine wa ita u thusa ḽifhasi?"

Ḓuvha a fhindula, "Ndi fha ḽifhasi tshedza na vhududo u itela uri zwipuka na zwimela zwi tshile."

Ḓuvha, Ṅwedzi, Mvula na Muya vha thetshelesana nga vhuronwane.

Ḓuvha a ri, "Ndi ngoho uri roṱhe ri thusa ḽifhasi nga nḓila dzashu dzo khetheaho."

Ṅwedzi a ri, "Ee, a huna wa khwine u fhira muṅwe."

"Ri nga shumisana," hu amba Mvula.

Muya a ri, "Kha ri kovhelane maḓuvha." Vha tendelana.

Ndi ngazwo nga zwiṅwe zwifhinga ni tshi vhona ṅwedzi musi ḓuvha ḽi tshi penya.

Nga zwiṅwe zwifhinga ni tshi pfa kumuya musi mvula i tshi na.

Ḓuvha, Ṅwedzi, Mvula na Muya vha shumisana zwavhuḓi. Vha a pfesesana.

Ni a funa ḓuvha, ṅwedzi, mvula kana muya?

Olani tshine na tshi funesa.

Ri ṱoḓa ḽifhasi uri ri tshile. Ḽi ri fha zwiḽiwa, vhudzulo, zwipuka na zwimela.

Zwoṱhe zwi ri thusa nga iṅwe nḓila.

Huna zwine roṱhe ra nga ita u thusa ḽifhasi ḽashu.

Ni ḓo ita mini u thusa ḽifhasi? Zwi ṅwaleni fhasi.