Kariza o vha a tshi funa u vhudzisa dzimbudziso. O zwi guda kha vhabebi vhawe.

Vho vha vha tshi dzulela u ri khae, "Arali a sa vhudzisa dzimbudziso a tshee muṱuku, u ḓo aluwa e muthu muhulwane a sa ḓivhi tshithu!"

Ḽiṅwe ḓuvha, Kariza a vhudzisa mudededzi wawe, "Ndi ngani vhabebi vhashu vha tshi dzulela u ri vhudza uri ri ṱambe zwanḓa ri sa athu ḽa, naho zwanḓa zwashu zwi tshi vhonala zwo kuna?"

Vhagudiswa ngae vhaa funa mbudziso yawe. Vho vha vha sa funi u vhudzwa uri vha ṱambe zwanḓa!

Mudededzi vha fhindula, "Ndi mbudziso yavhuḓi! Naho zwanḓa zwashu zwi tshi vhonala zwo kuna, zwi nga kha ḓi vha na zwitzhili."

Vha ṱalutshedza, "Malwadze a vhangwa nga zwitzhili. Zwitzhili a ri zwi vhoni nga maṱo ashu, ri ṱoḓa tshishumiswa tshi re na maanḓa uri ri zwi vhone."

Mudededzi vha dzhia maikhurosikopi kha khabodo. Vha ri, "Maikhurosikopi ndi tshishumiswa tshine ra tshi shumisa u itela u vhona zwithu zwiṱuku ṱuku zwine maṱo ashu a sa konei u zwi vhona."

Mudededzi vha hwaya nga vhulenda zwanḓa zwa Kariza nga kutanda nahone vha zwi fhuluṱela kha ngilasi ya maikhurosikopi.

Mudededzi vha vhea yeneyo ngilasi kha maikhurosikopi nahone hezwi ndi zwe vha zwi vhona kha tshivhonetsheli.

Naho zwanḓa zwa Kariza zwo vhonala zwi si na tshika, zwo vha zwi na zwitzhili!

"Ro tangwa nga zwitzhili, kha zwithu zwine ra zwi fara kilasini, luvhanḓeni kana hayani.

Hezwi zwitzhili zwi nga ri lwadza nga maanḓa," mudededzi vha tshi vha sevha.

Vha bvela phanḓa, "U itela u vhulaha hezwi zwitzhili, ri fanela u ṱamba zwanḓa zwashu nga maḓi o kunaho na tshisibe, zwihulu-hulu ri sa athu ḽa.

Nahone musi ri tshi lwala, ri fanela u ṱamba zwanḓa zwashu uri ri si phaḓaladze zwitzhili."

Musi a tshi swika hayani, Kariza o wana khotsi awe vha tshi khou ita tshishumiswa tshi vusaho dzangalelo. A vhudzisa, "Vha khou ita mini?"

"Hetshi tshi vhidzwa 'kandagirukarabe' ('u kanda wa ṱamba'), khotsi awe vha tshi amba. "U tshi shumisa u ṱamba zwanḓa zwawe."

Kariza o vha o mangala a ri, "Ee! Mudededzi washu vho ri vhudza nga hetshi tshishumiswa. Fhedzi vhunzhi hashu ro vha ri sa tshi ḓivhi. Tshi shuma hani?"

Vha sea vha ri, "Kha sendela tsini ndi mu sumbedze, ṅwana'nga."

"Tsha u thoma, kha kande kha heḽi bulannga ḽi re fhasi," hu amba khotsi.

"Nga murahu, tshigubu tsha maḓi tshi ḓo kunama nahone maḓi a shela zwanḓa zwawe.

A humbule u ṱamba nga tshisibe," vha tshi vhudza Kariza.

Kariza o vha o takala nahone a ri, "Ndo vha ndi tshi ḓo zwi ḓivhela ngafhi arali ndi songo vhudzisa dzimbudziso?

Ndi ngoho uri u vhudzisa zwi ita uri ri vhe na nḓivho."