Khale ka khaleni, Dyambu, N'weti, Mpfula na Moya a swi lwa.

Xivangelo a ku ri leswaku dyambu ri lava ku vangama siku hinkwaro.

N'weti wu lava ku voninga rivoni ra wona siku na siku.

Mpfula yi lava ku na siku na siku, na Moya wu lava ku hunga siku na siku.

A swi lavi ku nyikana nkarhi.

Swi twananile ku tshama swin'we swi vulavula hi mhaka leyi.

Dyambu ri vutisa N'weti, "Xana u endla yini leswi pfunaka misava?"

N'weti wu hlamula, "Ndza vangama nivusiku leswaku swiharhi swi kota ku hlota."

N'weti wu vutisa Mpfula, "Xana u endla yini leswi pfunaka misava?"

Mpfula yi hlamula, "Ndzi nyika misava mati leswaku mirhi, na swimilana swi kula kahle. Ndzi nyika mati leswaku swiharhi swi ta nwa."

Mpfula yi vutisile Moya, "Xana u endla yini leswi pfunaka misava?"

Moya wu hlamurile, "Ndzi kukula misava yi basa. Ndzi hangalasa mpfula misava hinkwayo."

Moya wu vutisile Dyambu, "U endla yini leswi pfunaka misava?"

Dyambu ri hlamula, "Ndzi nyika misava rivoni na ku kufumela, leswaku swiharhi na swimilana swi ta hanya."

Dyambu, N'weti na Moya swi yingiselanile hi vukheta.

Dyambu ri vurile leswaku, "I ntiyiso leswaku un'wana na un'wana wa hina u pfuna misava hi ndlela yo hlawuleka."

"Ina," ku vula N'weti, "Ku hava na un'we wa hina a antswaka eka van'wana."

"Hi nga tirhisana," ku vula Mpfula.

Moya wu vula leswaku, "Loko swi ri tano a hi avelaneni masiku." Hinkwavo va twanana.

Hikokwalaho mikarhi yin'wana u vona n'weti lokodyambu ri vangamile.

Mikarhi yin'wana ku hunga moya loko ku ri karhi ku na mpfula.

Dyambu, N'weti, Mpfula na Moya swi tirha kahle swin'we. Swa twisisana.

Xana u rhandza dyambu, n'weti, mpfula kumbe moya?

Dirowa xifaniso xa lexi u xi tsakelaka ngopfu.

Hi la misava leswaku hi kota ku hanya. Yi hi nyika swakudya na ndhawu yo tshama, swiharhi na swimilana.

Hinkwaswo swa hi pfuna hi ndlela yin'wana. Hi ku tlherisela, hinkwerhu hi nga endla swin'wana ku pfuna misaveni ya hina.

U nga endla yini ku pfuna misava? Tsala hansi.