Kariza a rhandza ku vutisa swivutiso. U kumile ntolovelo lowu eka vatswari va yena.

A va hamba va n'wi byela, "Loko u nga vutisi swivutiso wa ha ri lontsongo, u ta kula u ri ntswatsi wo ka a nga na mhaka na nchumu!"

Siku rin'wana Kariza a vutisa mudyondzisi wa yena, "Hikokwalaho ka yini vatswari va hina va tshama va karhi va hi byela leswaku hi hlamba mavoko hi nga si dya, na loko mavoko ma hina ma languteka ma basile?"

Vadyondzikulobye a va rhandza swivutiso swa yena. A va nga swi rhandzi ku byeriwa ku hlamba mavoko ya vona!

Mudyondzisi a hlamula, "I xivutiso xa kahle! Hambiloko mavoko ma hina ma languteka ma basile, ma nga va ma ha ri na switsongwatsongwana."

A hlamusela, "Switsongwatsongwana swi vangela mavabyi. A hi swi koti ku vona switsongwatsongwana hi ku tirhisa matihlo ma hina ntsena, hi lava swipfuno swa matimba ku pfuneta ku vona switsongwatsongwana."

Mudyondzisi u kumile makhirosikopu eka khabodo. "Makhirosikopu i xipfuneti xo vona swilo leswitsongo ngopfu leswi nga vonakiki hi mahlo ya nyama," u vurile.

Mudyondzisi a n'waya mavoko ma Kariza hi xinhongana hi vukheta kutani a ri sula ehenhla ka nghilazi ya makhirosikopi.

Mudyondzisi a veka nghilazi ehenhla ka makhirosikopi kutani leswi hileswi va nga swi vona eku vonikeleni.

Hambileswi mavoko ma Kariza a ma nga vonaki ma thyakile, a ma ri na switsongwatsongwana.

"Ku na switsongwatsongwana eka swilo hinkwaswo leswi hi swi khomaka etlilasini, erivaleni kumbe ekaya.

Switsongwatsongwana leswi swi nga hi vabyisa," ku tsundzuxa mudyondzisi.

Loko a fika ekaya, Kariza u kumile tata wa yena a endla xitirhisiwa xo tsakisa. "U endla yini xana?" a vutisa.

"Leswi swi vuriwa 'kandagirukarabe' (yima u hlamba)," ku vula tatana. "U yi tirhisa ku hlamba mavoko."

Kariza a hlamarile a ku, "Ina! Mudyondzisi wa hina u hi byerile hi ta xitirhisiwa lexi. Kambe vo tala va hina a hi nga xi tivi. Xi tirhisa ku yini?"

A hleka a ku, "Tshinela ndzi ta ku komba, xintombhana xa mina."

"Kusungula, kandziya ehenhla ka ximhandzana laha ehansi," ku vula tatana.

"Kutani, xirhundzu xa mati xi ta tlhenguka xi chela mati emavokweni ya wena.

Tsundzuka ku hlamba hi xisibi," a byela Kariza.

Kariza a a tsakile, kutani a ku, "Xana a ndzi ta swi tivisa ku yini loko a ndzi nga vutisangi?

I ntiyiso leswaku ku vutisa swi tswala vutivi."