Lexi i Ximanga.

Lexi i Mbyana.

Ximanga na Mbyana swi lava ku dirowa.

Ximanga na Mbyana swi lava ku hlovohata.

Ximanga na Mbyana swi lava ku endla vutshila.

Mbyana yi sungula.

Yi teka pensele na phepha.

Phepha leri i xikwere.

Xo sungula Mbyana yi dirowa tandza.

Tandza i miri wa Ximanga.

Mmm, swi olovile!

Nakambe yi dirowa tinhlanharhu timbirhi ehenhla ka tandza.

Tinhlanharhu letimbirhi i tindleve ta Ximanga.

Ivi yi dirowa yinhl-nharhu ya ntima endzeni ka tandza.

Yinhlanharhu ya ntima i nhompfu ya Ximanga, Ivi yi dirowa ntila ehenhla ka nhompfu.

Sweswi yi dirowa matihlo na tinxiyi ta Ximanga.

Matihlo i tidoto timbirhi.

Tinxiyi i mitila yimbirhi.

Mmm, swa olova!

Ivi yi dirowa nomu wa Ximanga.

Nomu i ntila.

Wu languteka ku fana na letere 'w', kutani yi dirowa misisi ya Ximanga.

Misisi yinharhu hi tlhelo ra ximatsi na misisi yinharhu hi tlhelo ra xinene.

Ku dirowa swi fika emakumu.

Yi dirowa mavoko na milenge swa Ximanga.

Mavoko na milenge i mitila, kutani yi dirowa swinkunwana swa Ximanga.

Swinkunwana i swirhendzevutana, kutani yi dirowa ncila wa Ximanga.

Ncila i ntila wo leha.

Ekuheteleleni yi dirowa mavalavala emirini wa Ximanga, kutani yi khalara miri hi muhlovo wa xilamula.

Kutani ku dirowa swi hela.

Mmm, swi sasekile!

Sweswi i nkarhi wa Ximanga.

Xi teka pensele na phepha.

Phepha leri i ra yinhlamune.

Ximanga xi sungula xi dirowa tandza.

Tandza i miri wa Mbyana.

Mmm, swi kahle leswi!

Kutani xi dirowa tifomo timbirhi ta ntima ehenhla ka tandza.

Tifomo letimbirhi ta ntima i tindleve ta Mbyana, kutani xi dirowa xirhendzevutana endzeni ka tandza.

Xirhendzevutana xa ntima i nhompfu ya Mbyana, kutani xi dirowa ntila ehenhla ka nhompfu.

Sweswi xi dirowa matihlo na tinxiyi ta mbyana.

Matihlo i tidoto timbirhi.

Tinxiyi i mitila yimbirhi.

Mmm, swi kahle!

Kutani xi dirowa nomu wa Mbyana.

Nomu i ntila.

Xivumbeko nakambe i letere 'w', kutani xi dirowa tidoto ku rhendzeleka na nomu wa Mbyana.

Tinharhu eka tlhelo ra ximatsi na tinharhu eka tlhelo ra xinene.

Ku dirowa se ka hela.

Xi dirowa mavoko na milenge ya Mbyana.

Mavoko na milenge i mitila, kutanixi dirowa xinkunwana xa Mbyana.

Swinkunwana i swirhendzevutana, kutani xi dirowa ncila wa Mbyana.

Ncila wu languteka kufana na xiluva.

Ekuheteleleni xi dirowa swirhendzevutana swo karhi swa ntima eka miri wa Mbyana, kutani xi khalara miri hi muhlovo wa xitshopana.

Ku dirowa kui herile.

Mmm, swi kahle leswi!

Hi ta vonana Ximanga.

Hi ta vonana xikece xa Ximanga.

Hi ta vonana Mbyana.

Hi ta vonana xikeche xa Mbyana.