A ni athu vhuya na ṱangana na mmbwa yo thanyaho u fana na Heidi.

I vhona unga ndi muthu.

Musi ndi tshi hwaya maṋo, na yone i ṱoḓa ndi tshi i hwaya maṋo.

Musi ndo ṱalela thelevishini, na yone i tevhela nga maṱo.

Zwa tou nga i pfesesa zwine zwa khou itea kha tshikirini.

Vhuṅwe vhusiku, ro vha ri tshi khou ṱalela mutambo wa bola.

Hu na muthu we a khokhonya munangoni.

Ho vha hu khonani yanga Mmapula.

Ndo takalela u mu vhona. Ro lumelisana ro takala vhukuma.

Fhedzi, Mmapula ho ngo lumelisa Heidi.

Na nṋe ndo hangwa u vha ḓivhadza!

Heidi o vha o ḓowela uri musi muthu a tshi mu lumelisa, u fara khwanḓa yawe nga tshanḓa.

Yo vha yo sinyuwa vhukuma.

Ro vha ri tshi khou ya u dzula fhasi. Fhedzi ndi sa athu fha Mmapula tshidulo, o vha o no dzula tshiduloni tsha Heidi!

Mmbwa a yo ngo kona u ṱanganedza maloto eneo. A yo ngo nṋea na tshibuli tsha u amba.

Nga u bonya ha iṱo, Heidi yo vha yo no fhufha ya dzula nṱha ha Mmapula.

Ya mu huvha yo mu zwondolola maṱoni.

Heidi yo vha i na vhuhali! Mmapula o vha o hanganea.

Nda ima nga u ṱavhanya, nda i bvisa tshirumbini tshawe.

U bva nga ḽeneḽo ḓuvha, Mmapula ho ngo tsha dovha a lu vhea ha hashu.