Tiko ra ka hina ri na timbuti.

Ri le kule na le madorobenikulu.

Manana a ku, "Elly, hi na nyiko ya wena ya ku tlangela tsevu wa malembe ya ku velekiwa."

Manana, hahani na mina hi yimele bazi.

Ndzi tshamile ehenhla ka nenge wa manana.

Ndzi tlele ndlela hinkwayo.

Hi fikile emakete.

Ndzi vonile xihahampfhukaphatsa xo saseka xa wasi.

Ximawusa xin'wana a xi ri na mihandzu.

Ndzi vutisa manana, "I ncini leswi?

Manana a hlamula, "I maapula."

Ndzi kombela, "Ndzi kombela ku xaveriwa rin'we."

Ndzi rivala voko ra manana.

Se mianakanyo ya mina a yi ri eka apula.

Loko ndzi heta ku dya, se a ndzi ri ndzexe.

Ndzi sungula ku rila.

Waxinsati a ndzi teka a ndzi yisa laha a ku ri na vana van'wana.

A ndzi anakanya leswaku kumbe laha makete ku xavisiwa vana.

Ndzi rila swinene.

Wanuna a vutisa, "U kwihi Elly?"

Ndzi tumbela leswaku a nga ndzi voni.

Ivi rito ra manana leri ndzi ri toloveleke ri vitana, "Elly?"

A ndzi tsakile swinene.

Hahani a humesa xihahampfhukaphatsa xo saseka.

"I xa wena!" ku vula hahani.