A wu se tshama u hlangana na mbyana yo tlhariha yo fana na Bovha?

Yi ehleketa leswaku na yona i munhu.

Loko ndzi hlamba meno, na yona yi lava ndzi yi hlambisa meno.

Loko ndzi vona thelevhixini, na yona yi fambisa mahlo.

Wonge yi twisisa hinkwaswo leswi humelelaka eka thelevhixini.

Madyambu man'wana, a hi ri ku voneni ka bolo.

Ivi ku gongondziwa enyangweni.

A ku ri munghana wa mina Masesi.

A swi tsakisa ku n'wi vona. Hi pfuxelana hi tsakile.

Kambe Masesi a nga xewetangi Bovha.

A ndzi rivarile ku va tivisa!

Bovha a yi toloverile ku xewetiwa hi qhavula emin'waleni.

A yi khunguvanyekile.

Hi ya tshama ehansi. Kambe ndzi nga si nyika Masesi xotshama, Masesi a tshama exitulwini xa Bovha!

Bovha yi tsandzeka ku tikhoma. A yi ndzi nyikangi na nkarhi wo vulavula.

Hi ku copeta ka tihlo, yi fika yi tshama ehenhla ka milenge ya Masesi.

Yi sungula ku n'wi vukula, yi n'wi langutile ematihlweni.

Bovha a yi leva! Masesi a nga tivi ku ri u ta endla yini.

Hi xihatla ndzi fika ndzi susa Bovha ehenhla ka Masesi.

Kusuka siku rero, Masesi a nga ha tangi ekaya.