Efimbo limwe, Momukunda Mphahlele, omwa li okamati ha ka di novakulunhu vako.
Okamati aka okwa li kena efimaneko novakulunhu vaye oshoyo kovanhu aveshe vomumukunda.
Edina laye okwa li Thabo Maloba.
Efiku lomandaha alushe olo efiku lelipyakidilo momukunda eshi ounona ha veli longekinda okuya kofikola okundja mexulilo loshivike.
Efiku limwe, mondjila yokuya kofikola, Thabo okwa shakeneka nokamati kedina Sparks. Okwa li tava popi mondjila no va panga oukaume.
Sparks okwa li alushe ehole okulwa, okushinda vakwao nokufaula ofikola. Okwa li omunhu woukwatya mwii ouha nyekula oinima ya vakwao no ohakala eudite nawa eshi eli mokati kavakwao.
Kashona nakashona Sparks okwa nwefamo Thabo. Thabo inahala vali okumonika afa omunhu eli nawa no okwa tameka okulihumbata nai afa Sparks.
Thabo okwa hovela okushinda nokuhafimaneka ovakulunhu vaye osho yoo ovanhu ovo kwa li hafimaneke.
Okwa ninga ongholwe no ka kwa li vali tadulu oku li fila oshisho.
Thabo okwa ninga omuhenako nasha no kwa kwatwa komikifi dohoni ha didiilile moixulo. Okwa ningapo omushona molutu na Sparks ohe muningi omashendjo na inahala vali okuninga kaume kaye.
Ovakulunhu va Thabo's ove mutwa omukumo opo aye pokapangelo akamone ekwafo lopaunamiti. Nokonima eshi atameka okunwa omiti okwa tyapo xwepo.
Thabo okwa tameka okudiladila onghalamwenyo yaye. Okwa mona kutya okwa ninga kaume nomutondi waye.
Okwa tameka okulonga pofikola nokwa yandja ombili kovakulunhu vaye osho yoo ovalongi vaye.
Sparks okwa udifwa nai molwa Thabo's ena omikalo diwa.
Ashike okwa li a fya ohoni molwoo omikalo daye mwene no kwa tokola okulundulula aninge omunhu muwa.
Translation - Hamukoto Efraim
Illustration - Thulani Mhlanga
Language - Oshikwanyama
Level - Read aloud
Creative Commons: Attribution 4.0
Source www.africanstorybook.org
Original source This story was selected as one of the 7 winning stories from the Writing in your mother tongue writing competition partnership between Saulsville Library and the African Storybook Initiative.
