Chanri na Boipelo vha khou fara lwendo lu takadzaho lwa u mona Afurika Tshipembe.

Lwendo lwavho lu thoma Kimberley, ngei Northern Cape.

Ngei Kimberley ni ḓo wana fhethu hu vhidzwaho 'The Big Hole!'

Tjoeke puff toot-toot, vha ya Kapa, ngei Western Cape.

Chanri na Boipelo vha fula minḓirivhe yavhuḓi nga maanḓa mabulasini.

Tjoeke puff toot-toot, vha ya Bhisho, ngei Eastern Cape.

Dzenedzi khonani mbili dzi ḓiphina vhukuma Vhugalaphukha ha Dzinḓou!

Tjoeke puff toot-toot, vha pfuka nga Free State.

Vha takalela u vhona maluvha a dzi-rose ane a khou aluwa henefho Bloemfontein.

Vha swika Mahikeng, ngei North West.

Tshidimela tshi fhungudza luvhilo uri vha kone u vhona Mvuvhu ine ya pfi Rina, henefho Vhugalaphukha.

Nga u ṱavhanya, khonani dzashu dzi ya Polokwane, ngei Limpopo.

Toot-toot toot-toot! Vha khou siiwa nga tshifhinga, ngauralo, tshidimela a tsho ngo ima Johannesburg, ngei Gauteng.

Musi vhe tshidimelani vha kona u vhona goloi nnzhi na vhathu vhanzhi vho farakaneaho vhukuma henefha ḓoroboni ya musuku.

Tjoeke puff toot-toot, vha ya Emalahleni, ngei Mpumalanga.

Vha dalela fekithrii khulwane ya malasha u itela u wana malasha a u tshimbidza tshidimela tshavho.

Chanri na Boipelo vha phetha lwendo lwavho lwa tshidimela Pietermaritzburg, ngei KwaZulu-Natal.

Vha ḽa miomva i ḓifhelelaho na khonani dzavho, na u amba nga ha lwendo lwavho lwa u mona na shango.

Naa ni kha ḓi humbula mavunḓu na ḓorobo dzao?