Wùngʉ̀ʼ ə nə lu lo, wàyn ə ntuʼ ə tsen əndiʼ a və mbwi wen ko və lu chʉ əzhiʼ əwen. A ndìʼ to wen ə nyɨ̀ŋ a kəvu ə fòyn ə Dunoma a ghə nkəŋə njɨkəbəŋ. Və ə sə bwi wen mu li wen ə laʼtə li no nanto.

Andi ando və mbwi wen tò bwi, fòyn mu sə saŋlə ə ghʉ̀ la ghe a lyòmtə zhiʼi wen tò lyomtə ə zaʼa fa kətsi a ghə lu kwi kwʉ̀ʼ. Mù bè ghʉ la, no wàyn wuwì ko a ghə lu kɨ zhiʼi wen ə lu lamə wen.

Vunə kyi lyɨ̀ məntsi a me nfaŋə ə mu sə baʼtə̀. Vəwenə mu bo ətʉ, ə bè nyìnə̀ vəwenə. Vəwenə be nyò ənyinə ə vəwenə ə be tas ə ndisə fisə.

Vətsenəvə dyʉ̀ a wù ə kəfʉ la ghə gyàmtə vəwenə. Vətsenəvə a tətyɨm tə nlɨmə mu dyʉ moʼ ndzuʼsə ndiʼ kɨ la vəwenə ə ti fe lo.

Vunə kyi lyɨ̀ məntsi a me nfaŋə ə mu sə baʼtə̀. Vəwenə mu bo ətʉ, ə bè nyìnə̀ vəwenə. Vəwenə be nyò ənyinə ə vəwenə ə be tas ə ndisə fisə.

Vətsenəvə dyʉ̀ a wù ə kəfʉ la ghə gyàmtə vəwenə. Vətsenəvə a tətyɨm tə nlɨmə mu dyʉ moʼ ndzuʼsə ndiʼ kɨ la vəwenə ə ti fe lo.

Kətsi kə vì kwʉ̀ʼ, no ndò mu sə ghaʼa to jì ə ntuʼ. Wàyn ntuʼ a yì nə̀ tiʼi wen, bènə̀ ntsɨŋsə ntuʼ sə fʉ ansàŋ a mbì.

Ngòynsə kyi mu sə laf li no a nkàyn, mu sə nyeʼe to nyeʼe mimbu kwen woŋ ə ntuʼ.

Və baʼtə ənyʉ̀ ə mè, wù soʼo wòŋ mù ku ə soʼ la, zhʉ ə kʉʼli. No wàyn ə wuwì ko na yì mu sə fʉ tɨmə ghə ku təzhiʼ tətaʼ.

Sətsen ghə sə ku təzhiʼ a tyi ə ku əzhìʼ ə wàyn ə ntuʼ na yì, mu nsoʼ ə li mu layn. Sətsen ghə bvʉ, ghətsen be a cho mwòmsə̀.

Mbì ə wàyn ə wuwi mu fʉ̀ ə tɨmə ə bem la, "Adiʼ Modu mu? Adiʼ Mommodu mu la adiʼ Mattaa lo?"

Wàyn ə ntuʼ mu gaʼa la, "Lemə ghom wu ko zhɨ bwen. Wù ə bvʉ li."

Wàyn ə wuwì ə tsen be fʉ ə tɨmə ə gàʼ la, "Adìʼ Bukar mu? Adìʼ Umar mu? Adìʼ Usman mu?"

Wàyn ə ntuʼ mu gaʼa la, "Lemə ghom wu ko zhɨ bwen. Wù ə bvʉ li."

Wàyn ə wuwì ə tsen be fʉ ə tɨmə ə gàʼ la, "Adìʼ Ali mu? Adìʼ Zubair mu? Adìʼ Abba mu?"

Wàyn ə ntuʼ mu gaʼa la, "Lemə ghom wu ko zhɨ bwen. Wù ə bvʉ li."

Və mu su to alə a məntsi ko wìʼ ə lu zhɨ və be kwʉʼsə məntsi.

Andiʼ ali wàyn ə wuwì ə tsen ə ndiʼ a ngaʼa li wen a wen la kəboŋ la nkàyntə̀ wen dyʉ ə mwomtə̀. Ando ghə ndyʉ̀ li wen chʉ mənte a wen a kəvu.

Ando ghə nfʉ ə zaʼa a jì, ghə ə yenli wuwì əto ətsen ghə ŋwʉʼ to wen. Ghə toŋtə ə wen ə ben ben a wen a kənyʉ̀ kə be diʼi a kəcho wen lo?

Wuwì na yi bwensə a wen la yi kəʼtə̀ wìʼ a ghə a bo kətʉ kəwen. No vunə kyi no vətsèm ə yi nchò to chò ko wìʼ ə lu nkiʼi əzhʉ a mo.

Wàyn ə wuwi kɨsə wen ə mù bo kətʉ kəwen na kì. Kədwìn kə wuwì na kì mu bèm a wen la, "Wayn ə ghom wù dyʉ̀ fe lo?"

Ghə bwensə gàʼ a wen la, "No wìʼ ə ko kɨ ə zhiʼ wayn ə ntuʼ cho to tìʼ ə wen. No wìʼ a ghə ne kɨ əzhiʼ wen ə mu ne ndiʼ wì əwen."

Ghə mu shəʼtə a wen la, "Zhiʼi wàyn ə ntùʼ ə diʼ Tatasko."

Ghə mù kù kəzòŋ kə wùwì a kyì ə mu ə dʉ̀ a ntuʼ. Ando ghə zaʼa tsu ə mù kəblə̀ a wenə viʼi a və ndiʼi tsu. Ghə ghʉlə ko ndiʼi ghə zi ghə cho a mbì.

Ghə̀ mù wʉ à wen ə tyɨm la, "Ə ghèn ə ndiʼ tò jì ghom ə mà chò fa tsu." Ghə mù chò a mbì.

Vunə kyi vətsenə və keŋkə wen. Alì wàyn tuʼ a yì wye chʉ̀ wen tsu mi bu ghə̀ sə diʼi ə gaʼ.

Ghə̀ chò fʉ̀ ə tɨmə a mbì ə mù gàʼ la, "Adìʼ Ibrahim mu? Adìʼ Kassim mu? Adìʼ Kagu mu?" Wàyn ə ntuʼ mu gàʼ la, "Wù ə shweli a lemə ghom."

Ghə be gaʼa la, "Ma ə kɨli ə zhiʼ na yi ali ə sə fwanə ə dzàŋ." Wayn ə ntuʼ gaʼ a wen la kə ghə be a fwàyn. Azhʉ a yì ghə mu ku la, "AdìTatasko mu?" Wayn ntuʼ yì mu zɨmə la,"Wù kɨli."

Viʼi no fa kəghaf kədyəkə nə fa mboʼsə, ə nvili a vəwenə a lam. Vəwenə lam ə mu faŋ ə sə tsi nə saŋlə.