Wù ngwʉ̀ʼ lə nlù a loʼo tsenə ghə a və ndzàŋ nə̀ Mphalele. Kəshə̀ʼ kə wùlɨm ə tsen ndiʼtsu a ghə ntsi wenə̀ vətiʼ vəwen.
Wàyn ə wulɨm ghèn ə nzhʉ vətiʼ vəwen no a nkàyn, be gumlə̀ no viʼ vətsèm a loʼ a yì.
Zhiʼi wen ndiʼ Thabo Maloba.
A ndìʼ a loʼ ghèn, mbi kətsi a ti ngàmədyə̀ ə ndiʼ kətsi a viʼi ə nghàblə̀. Vwondyə ə ŋwàʼlə̀ be zìtə̀ ə ngàm ə fi.
Kətsi kətsenkə, Thabo mu bùmtə̀ wayn ə wulɨm ə tsen a ji ando ghə ndyʉ̀ a ŋwàʼlə̀. Ə zhiʼi wàyn na ghenə ə ndiʼ Sparks. Vəwenə mu sə bè dyʉ̀ nə ənyʉ̀ ə mu kaʼa ku ə ndòŋ.
Sparks nkòŋ əsoyn. Ghə nku ngəʼ a vwondyə a ngə̀ŋ ə ŋwàʼlə̀. Ghə ndìʼ no wàyndyə əbyɨ, temə bàʼ be tsentə avu wenə vwondyə vəbyɨvə vətsenəvə.
To alə Sparks mu myəʼsə Thabo nə ntsinə əbyɨ. To ando Thabo ə nko koŋə la və yen la ghə zhʉ̀ zhʉ ə mù bè zìtə ə sə tsi to ntsìnə Spark. Ghə mu zì ə sə tsi ə ntsinə kəntolə.
Thabo mu sə diʼ Wàyndyə ə to kətʉ.
To kətʉ fa vətìʼ vəwen benə fa viʼi vətsenəvə a ghə nzhʉmə vəwenə.
Thabo mu zì sə diʼi a kə̀kèŋkèŋ, mu kaʼa byeʼ əkwaʼa fà ki. Kənzɨm kə mu kwen a wen a wen, Sparks boŋsə ə sə jeʼe chəʼ wen ko ghə be koŋə ə ndìʼ wundòŋ ə wen.
Vətiʼ və Thabo mu tyiftə əwen la ghə dyʉ̀ a ngə̀ŋ ə kəfʉ ndiʼ ə nlyɨ̀ kəfʉ. Ghə zìtə̀ ə lyɨ kəfʉ ə mu bwaʼmə.
Thabo mu bwensə ə lye ə ntsinə a ghə tə ntsi. Ghə mu yen la ghə ə tə ku əndoŋ wenə wiʼ a ghə ko kòŋ ə wen.
Ghə be ghàʼ kənyʉ̀ kə ŋwàʼlə̀ kəto, ə be zìtə̀ ə sə jèʼè loynə məlyesə ə ku fa vətiʼ vəwen benə fa ndiʼsə̀ sə wen.
Tinə Sparks bòŋsə fwi fwi to ando ghə ə nyenli ə ntsinə ə jùŋə a Thabo nsə tsi.
Ghə ne kaʼ ə yen la ə ntsinə əbyɨ a ghə tsi ə ko diʼ ə lòʼ ə wen bwen ghə mu kwitə ə bè sə̀ diʼ ənges ə wàyndyə̀.
Translation - Celestine Tabong, Emmanuel Keyeh, Zhuh Godlove
Illustration - Thulani Mhlanga
Language - Babanki
Level - Longer paragraphs
Creative Commons: Attribution 4.0
Source www.africanstorybook.org
Original source This story was selected as one of the 7 winning stories from the Writing in your mother tongue writing competition partnership between Saulsville Library and the African Storybook Initiative.
