Wù sɨ̀m ətsen ə nkiʼi kədwìn kə Mbòŋ.

Ghə be nkìʼ Fəmbyèʼè a fo.

Mbòŋ ayì bè nə̀ Fəmbyèʼè a fo ə ndìʼi.

A sə dìʼ a pfwomə tsen Mbòŋ gàʼ a fəmbyèʼè a fo la, "Ma bwaʼli no nan."

Mbòŋ be gàʼ a Fəmbyèʼè a fo la, "Ma ko yi zhʉ̀tə̀ layn."

Fəmbyèʼè a fo mu be gàʼ a Mbòŋ la, "Ma shweʼe no nə ŋaŋ chò wù."

Tʉʼ ə be layn kətsi kətsen Mbòŋ be gàʼ la, "Layn ə mu yi ndiʼ no kətsi kəbyɨkə."

Fəmbyèʼè a fo mu gàʼ a wen la, "Wùsɨm nè vì wu gàʼa la to kəghas kə ko be dìʼ a wù a wen a ghə a ghʉsə wù ə wù zhʉtə."

Tʉʼ ə be layn Mbòŋ mu gàʼ a wusɨm la, "To kəghas kə ko be dìʼ a wen a wen."

Wùsɨm ghèn mu gàʼ a wen la ghə zhʉtə ko ghə be a fʉ a sɨm.

Wù sɨm mù lyɨ Fəmbyèʼè a fo wenə wen fʉ̀ a sɨm a kətsi na yì ghə jʉʼ kənjʉʼ a lə ə zhʉtə fa wenə a wen.

Fəmbyèʼè a fo shweʼe kətsi kəmpfen alə ko ghə lù zhʉ̀tə.

Ghə ne sə pfo mu ghə bwaʼli no nànto.

Fəmbyèʼè a fo mu gàʼ a Mbòŋ la, "Ti' sɨm yi gàʼ la və a bvaʼ wù a nyàm."

Mbòŋ bwènsə la, "Ma' lu shwèʼ a boʼo ngə̀ŋ. Mà bwaʼmə li luwèn."