Document

Jì a tìʼ wàyn ə tyiftə wàyn fa tsu

Abraham Bereket

Adonay Gebru

A ndiʼ a loʼ ə tsenəghə, wàyn ə wulɨm ə tsen ə ndìʼ tsu a zhiʼi wenə ndìʼ Abula.

Ghə̀ nko kòŋə dzàŋ ko bòʼtə ŋwàʼlə̀ ə wen. Ghə ndìʼ zhɨkədyàŋ be kiʼi ntsìnə̀ ə byɨ.

Abula ə ntsoŋə əko ə lì wen zenə mbòŋmboŋ tsu. Ko lì wen ə nlyòmtə̀ əko ə wen tebe fe Abula a kəŋə ə lyɨ̀.

A ne ndiʼ a zhʉ a ghə lo li ə mbòŋmboŋ ə wen ə mwètə, ghə mu sə demə wenə viʼi ndoŋsə wen.

Tò a kənsɨŋ kəzhʉ Abula nyɨŋ ŋwàʼlə̀. Ghə sə dʉ̀ faŋə to kəbèŋ ghə dem fa tsu ali, ghə bè bwenə pfwo to a mpfwomə.

Lì wen ne yèn kənyʉ̀ ken kə, kə mù sə zhuŋsə wen.

Lì Abula mu gàʼ a lɨm ə wen la, "Wàyn ə wùlɨm yowù ghèn ə myə̀ʼsə li ə ntsìnə̀ ə byɨ. Ma ko bè yen la wàyn ə yowù ghèn ə be dyʉ̀ a ngə̀ŋ ə ŋwàʼlə̀. Ghə be tsoŋə əko ə ghomə."

Ghə mù gàʼ a wì ə wen la, "Wù be ne sə nkəŋ ə be lyòmtə ə ko wù ə boʼo təfʉ tə ŋwàʼlə̀ ə lyòmtə a yì a tin. Ando ghə ə ko nə mbòʼo ŋwàʼlə̀ lì, kò ko na yi bè a dyʉ̀ a kəshi."

Tʉʼ ə ne làyn, Abula mu kəŋ ə ko ə lì wen. Ghə shòʼ əshi no ətsèm ko ghə ə yenli kəfo.

Tìʼ ə wen ə ne ə nyen kəshi a Abula a dyʉ̀.

Ghə mu gàʼ a wen la, "Wàyn ə ghom ma kɨ li kənyʉ̀ a wù ə dyʉ̀ ə nè a woŋ. Bwenə ə kwen a ngə̀ŋ luwen ə lye əko fa tì vəŋwàʼlə̀."

Kənyʉ̀ a kì cho Abula, ali ghə bo kwen ə kəŋ fa tin ə vəŋwàʼlə̀.

Ghə kəŋ ə mù ə yen əko yi a li ə wen ə lyomtə̀ lì.

Kətsi kətsenkə ghə be sə kəŋə fa wen a tin vəŋwàʼlə̀ ko ghə be yen kəfo.

Ghə mu ədyʉ̀ əbem a tìʼ əwen la a dìʼ byiʼi gho a ko kə be dìʼ a wen a ti vəŋwàʼlə̀ lo.

Tìʼ ə wen chəʼ ə bem a wen la, "Wàyn ə ghoŋ wù kəŋə ə kìʼi ə ko no ghoʼo a jì a wù zì wù zen ə Mbòŋbòŋ to kədɨŋ?"

Abula bwensə la, "Bʉba wù be bèmə̀ bèmə̀ a?"

Tìʼ ə wen mu gàʼ a wen la, "Zhʉtə mo no kàyn a wàyn ə ghom. ə ndyʉ̀ a ngə̀ŋ ə ŋwàʼlə̀ be dzaŋə vəŋwàʼlə̀ ə vyə. Biʼi wù zìʼì ŋwàʼlə̀ ghə a gyàmtə wù. Kə a zhwèsə akwoŋ."

Abula bwesə gàʼ a tìʼ ə wen la, "Bʉba wu kɨ la ədzaŋ ŋwàʼlə̀ a dìʼ no kənyʉ̀ kəto kə lo? Ŋwàʼlə̀ ə zhuŋsə."

Tìʼ Abula chiʼ to akùʼ ə laʼtə no lə̀. Ghə mu kwòʼtə̀ jì a ghə zì ghə gyàmtə̀ wàyn ə wen fa tsu.

Ghə mu gàʼ a Abula la, "Yowu dzaŋ a kənyʉ̀ kəmù.ʼ Ma a gyàmtə̀ ə wù ə wù yen əse a ghə diʼ a tin ə və ŋwàʼlə̀."

You are free to download, copy, translate or adapt this story and use the illustrations as long as you attribute in the following way:

Jì a tìʼ wàyn ə tyiftə wàyn fa tsu

Author - Abraham Bereket, Hardido Temesgen, Yohannes Firew
Translation - Celestine Tabong, Zhuh Godlove
Illustration - Adonay Gebru
Language - Babanki
Level - Longer paragraphs