Ngise ngise, Alogo vea Vile tema ya hen wan gar ugen i yilan er Koowa.

Ve lu ahuraior a dedoo. Ve zenden shi ve teman imôngo hanmô iyange.

Ve lu mbasulev. Ve er tom taveraa ken ishule ve.

Fam ugen tsô, wura ban. Iyiav vese tsembelee ga. Ikon man toho use. Ior zua a kwaghyan ga.


Alogo vea Vile er mhen u yemen ken gar ugen za keren tom.

Mba moughun yô, ve zua a kwase ugen sha gbenda. Ve sughun er, "U pande nena?"

A rumun shi a pine ve er, "Ne mba zan hana?" "Se mba zan ken gar u a dondo a vese ne se za ker tom," Vile kaa un nahan.

Kwase la pine ve er, "Ka nyi imba tom ne fatyô u erene?" Ve kaa er, "Se fatyô u nan tsombur wou man ilev kwaghyan."

Kwase la pine ve er, "Ka nyi kwagh a na ne ve ne na se kwaghyana?" Ve kaa er, "Na se inya man mngerem shi sôron se dedoo."

Kwase la yem vea ve ken ya na.

Iyange igen, oo gera gera nahan Vile vea Alogo ve gba anyiman. Alogo kaa er wen un hemba ngun a iwasen a Vile.

Vile di kaa er un hemba ngun a iwasen a Alogo.

Kwase la ta ato ken iyough na ungwa. A due a va pine er, "Er nan ne lu zôhôn zwa?"

Alogo je hii kaan er, "M hemba ngun a iwasen a Vile. Ka m nau amishe am u kaa gari, u mir akpu, u jiidi shi u ta kpo,r u wua mwem kpaa."

"Ka i lôô ikon yam. Ikya yam man apusu am ka i koso ilev amin. Vile di ngi eren nyi?"

Alogo pine kwase la nahan.

Vile nande ahan, jingir ityough man kaa er, "Kwase, u umbur iue i mkure i ka doou kpenkpen la kpa? Ka mo ka m va amin ye."

"Ka m va a mkurem ma nyian ma kangen akpupka man ate u kaan nyam man ishu. U er nan man u kunde iue man pocho a mkurem shio?"

"Bee heela hera ve, ule wam ka a cir ayough, a na mule.

Ka ne pever ishima sha ityo yam i ka ne ma zum u ka ne a er tom a tume ne iyol kpaa."

"U masen hemban je yô, cincia mba ka ne esen ayough kua ityembe cii ka mo m ve amin ye," Vile mase kulen kwaghôron.

"Hmmm!" Kwase la shir ishima.

"Ka shami, ahuraior am, m ungwa ne cii. Me kule zaiyol wen ne."

Kwase la kaa er," Ne cii ne mbam a iwasen kpishi. Ne uhar ka ne zua ave ne nam kwaghyan u dedoo, ruam man iue."

Kwase la man kume ruam u akpuu shi er iue mkure. A lôhô ahuraior na cii. Ve er iniongu, ve ya kwagh. hanmô or lu sar sar.

Hii shien la je Alogo man Vile lu bem bem zanzan nyian.