Oniama nyia Obêyôk êttê îllîllîharû.

Itarracarû Obêyôk ekuaŋ.

Ettê ekuaŋ îdîma îwôyô moruo.

Ahucio Obêyôk.

Ettê amoruo ittiehina afiala honyi.

Itayîrû Hitojo ellilloŋo Obêyô.

Aŋêr diyya imijiere anyio ônnô ôrrôhô ꞌtô.

Iruk Hitojo aluahio Obêyôk.

Ajio Obêyôk alô inyi isiarana Hitojo aŋiria.

Asûl Hitojo amoruo anîa.

Ettê îtabôrôrô amoruo tô hafiala Obêyôk addi.

Ifiyo Hitojo noduo ŋiria ojio Obêyôk.

Ajio Obêyôk êttê inyi îhûanya inyi.

Arûmanî Obêyôk iko Hitojo ôbô amaruani ôllô ôlô ꞌtô îŋôt êram hosi anîa.

Ajio Obêyôk huttina buo fê ahôny inyi amaruani alîa.

Ajio amaruani alîa, "Ijiara inyi amî amoruo nyia habeŋ inyi aŋôt êram anîa."

Iyaraî Obêyôk iko Hitojo amaruani alîa imaji moruo diyya.

Ikukubok Obêyôk ꞌdaŋ aŋaî ôttêk amoruo anîa afiala honyi.

Ifî amaruani alîa Hitojo jio ijiara îramak inyi ôsûl inyi amoruo anîa aŋaî.

Asûl Hitojo amoruo anîa, êttê amoruo anîa inyiak îttêk afiala Obêyôk.

Ajio amaruani alîa, "Asîrû atî buo. Efuo haŋ."

Afuoi amaruani alîa iko Hitojo.

Idehini Obêyôk iriata diyya.