Hen tar u ngen yô, wannomso u ngenev lu iti lu Abula. Soo u ôron takerada shin u bughun u tsô kpaa ga. Lu wanyenomso u wan hwer. A vihi inja kpishi.

Abula ngise ii ngô na inyaregh za yamen usuwiti. Un a yer inyaregh nav kpaa, a za nenge amin man a tôô ki. Un a omon usuwuti cica yô, Abula a hii numben a ahuarior nav.

Ica i gbe yô, Abula de zan makeranta. Ken iyange ajimin cii, a lu ken inya numben, a mase va hiden hen ya aikighe. Ngô u Abula nenge kwagh ne nahan hii u zan wen iyol.

" Wan wase ngu eren tsembelee ga. Bee m er kera ngu zan makeranta ga. Shi ngu iin mo inyaregh kpaa " ngô u Abula ôr nahan.

A kaa a kwase na er " Shighe u ngenev yô, yer inyaregh kin ken atô u takerada. Mayange je bughun takerada ga nahan inyaregh ki a lu kundu kundu"

Kper nan yo, Abula ker inyaregh ki ngo na. A ker hanma ijiir cii kpa nenge a ma kwagh ga.
Tso a rumumn u za keren inyaregh hen kasua u hemba lun ikyua yo.

Ter na nenge ape Abula lu yemen yô.
" Wannomso wam, m fa ityôkyaa i u lu yemen ken kasua yô. Hide nyôr man ker inyaregh ken ityakerada," a kaa a na nahan.

Kpiriv Abula iyol, kpa hide za ker ken ityakerada. A zua a inyaregh ki ngô na yer yô.

Kper nan yô, shi ker ki ken ityakerada. Kpa zua a kwagh mom u i yer keregh ga.

Ter na se man kaa er " Wannomso wam, u soo u zuan a inyaregh ki ki a kuma u yamen usuwuti kpishi?"
Abula kaa er, " E em, ter".

Ter na kaa er, " Ver ato tsembelee. Or ityakerada you man nyôron ukelase. U zua a injar you ken ityakerada. De vôron ga." "Kpa ter, takerada u ôron ka tom u taver. Ityakerada ka i kpe iyol!" Abula na ikyaa nahan.

Ter u Abula tamber, lu viing. A hen gbenda u un a taver wannomso na ishima yô.
Tsô a kaa a Abula er, " Se ôr takerada imongo. Me wase u u zua a youghyough ken ityakerada."