Sɑɑrɑʋrɑ ɑ ben gurɣʋ.
Gurɣʋ cǝɣʋ tǝ cɛɣwɑ.
Kɑ ɑ be dorɣɑ
sɑtǝm ǝn ɑ cǝɣʋ.

Lɛɛ gɔr nyǝnǝ pɔɣwɑ nyǝmɑ der dorɣɑ cǝɣɑ nǝn. Bɑ sʋɣɑ ɑ nyɛɛ bɑɑn bonǝ ǝn dɑr-bɛɛ ɑ cǝr sʋɣɑ. Aʋ korɣɑ.
A nyɛɛ tɔɔ ɑrɛʋ bǝrɣʋ. Tɔɔ tɔɔ ɑʋ bǝrii ili.


Lɛɛ bɑ gbɑm Sɑɑrɑ kɑ: Deerɑ tǝ nɑ mǝnǝrɑ tǝn cɛrɑ dorɣɑ dondo-tor ɑnǝ?


Sɑɑrɑ kɑ tʋɣǝr bɑ kɑ: Jǝpǝnnɑ mɑ gurɣʋ sʋɣɑ.

Nǝnnɑ dopɑ nyǝmɑ pǝnǝnnɑ. Nyǝrɣɑ jernɑ jempeesǝ, ɑ nyɛɛ ɑrɛɛ ǝn ɑ kusɑmɣɑ, kɑ cɑɑ ɑ nyɛɛ tɔɔ ɑrɛɛ ǝn mɑnzo-sɑɑkǝrŋʋ.

A nyɛɛ ɑrɛɛ bɑnɑn mɑnzo-sɑɑkǝrii iliʋ lɑ torɑ. Lɛɛ bɑ gbɑm Sɑɑrɑ kɑ: Deerɑ tǝ nɑ mǝnǝrɑ tǝn cɛrɑ dondo-tor ɑnǝ?


Lɛɛ Sɑɑrɑ tʋɣǝr kɑ:
Jǝpǝnnɑ mɑ gurɣʋ sʋɣɑ.

Dem nyǝm mǝnǝm pǝnǝnnɑ dorɣɑ nyǝnkɑ cǝɣɑ nǝn kɑ gbɑm Sɑɑrɑ kɑ: Deerɑ tǝ nɑ mǝnǝ ɑrɑ tǝ
dur dorɣɑ ɑŋɑ?


Sɑɑrɑ kɑɣɑɑ: Jǝpǝnnɑ mɑ gurɣʋ
sʋɣɑ.

Dem
cǝm kɑ
jǝpii gurɣʋ cǝɣʋ sʋɣɑ.
Bɑɣɑ jǝpiirɑ.
Musɑŋɑ kɑ jǝpii.
Wɑmɣʋ kɑ jǝpii.
Semɣɑ kɑ jǝpii.
Kʋtǝ kɑ
jǝpii.
Yiɣɑ kɑ jǝpii
lɑ torɑ.

Lɑ kɑɑwǝr mɔmɔɣʋ kʋkʋ kɑ cɛnii kɑ gbɑm Sɑɑrɑ kɑ: Deerɑ mɑ nɑ mǝnǝ ɑrɑ mɑ cɛrɑ dondo-tor ɑnǝ?


Lɛɛ Sɑɑrɑ kɑ: Jǝpǝnɑ mɑ gurɣʋ
sʋɣɑ.


Lɛɛ kʋ jǝpiirɑ. Nǝnnɑ nyɑm yirǝn gurɣʋ
kɛ. Gurɣʋ toɣʋ sullɑ ǝn nyɑm.

Gurɣʋ fiiŋǝrɑ. Kɑrsǝ kɑ pɛnɑ.

Lɛɛ Sɑɑrɑ kɑ: Zetǝnɑ! Mɑ nɑ zɑnǝ pɔɣǝwɑ nyɛnɛ.

Kɑ mɑ lor, mɑ zɑnǝ dopɑ.

Mɑn pǝllǝn
dem.

Lɛɛ mɔmɔɣʋ kʋkʋ kɑ:
Mɑɑ nɑ cɛnɑɑ ǝn
nɑŋsǝ gɑm.