Mbe'a ɗum laamiiɗo dabbaaji bee colli. Sey mbe'a noddi kawtal dabbaaji fuu.

Mbe'a anndini nga hoyɗi. Dabbaaji e colli fuu e nana habaru.

Ɗum koyɗol dow weelo. Muusuuru ƴami, "Noye ngaɗeten?"

Gerogal e agaaga mbi'i, "Sey ndesen nyamdu nder beembal laamiiɗo."

Laamiiɗo mbe'a wi'i, "Nanngee koo moye mo tokkataa umrooje am fuu."

Sey wakkati cuɓol laamiiɗo keso waroyi. Dabbaaji cuɓii muusuuru.

Mbe'a yiɗaa muusuuru wona laamiiɗo. Mbe'a wi'i, "Min woni laamiiɗo."

Mbe'a salii yaarango laamiiɗo keso nyamdu. Nagge ƴami, "Ɗume ngaɗeten?"

Dabbaaji e colli ngewti. Ɗi ɓernani mbe'a naa' seɗɗa.

Ɓoosaaru wi'i, "Yaake laamu mbe'a, mi walliino laamiiɗo."

Mbaala wi'i, "Mi hokkiino ɓikkon laamiiɗo leeɓe am."

Gaduuru woyi wi'i, "Yaake laamu mbe'a, min remunoo ngesa maaga."

Mbaala ƴami, "Mbe'a numi nga laamoto haa foroy na?"

Dabbaaji narri, doole mbe'a yaarana laamiiɗo muusuuru nyamdu.

Dabbaaji tawi mbe'a. Mbe'a wi'i, "Mi laamiiɗo haa foroy."

"Min kaɓɓete min njaaruma to laamiiɗo keso."

Nagge dasi mbe'a to laamorde. Dabbaaji kelli.

Daliila ko saalinoo be'i ngiɗaa daseego.