Ek dra altyd 'n masker wanneer ek uitgaan.

Die masker beskerm my. Dit beskerm ook ander mense.

Ek was my hande met seep en water voordat ek uit die huis gaan.

En ook wanneer ek weer tuis kom.

As ek my maatjies groet, raak ons net met ons elmboë aan mekaar.

My oupa het baie siek geword. Hy het hospitaal toe gegaan.

Pappa het elke dag gebel om te hoor hoe dit met Oupa gaan.

Oupa was baie fiks en gesond voordat hy siek geword het.

Hy het weer beter geword.

Toe begin my boetie hoes.

"My keel is seer," sê hy.

"Hoes in jou elmboog," sê my tannie.

"Dra 'n masker. Staan op 'n afstand! Bly in jou bed!" sê sy vir hom.

My boetie het in die bed gebly en gelees.