Arai kolong Akine Ekarikon ang'itieng ka ng'ikieny.

Apei kolong'it kisisak Akine ng'itieng ka ng'ikieny ng'akirujaet keng.

Arai ng'akirujaet kidiama eron.

Abu Ipaka tama, "Kikokini tokona ai?"

Tama Akukut ka Abata, "Potu atodeko akimuj ekachakasi lodula."

Tolimu Akine tama, "Echamitae toenae etieng'it lonyeyauni akimuj lodula."

Adaunet ng'irwa lukaalak, aponi toseunae Ipaka tarau ekarikon.

Nakaneni, abu Akine tong'er akipotokin Ipaka arikoru.

Nyeyaara Akine akimuj lodula.

Tama Aite ing'itakin, "Ikokinio ng'oni ai?"

Apotu ng'itieng ka ng'ikieny daang totuko.

Ang'oikinito kechi Akine.

Abu Ing'ok tama, "Abe kirukit bo ng'oon niajokon erai ekarikon."

Tama Amesek, "Abe ainakini bo ng'oon ng'ide keng ng'ajul kang naajokak."

Tama Ekurung'oit, "Aning'oon erai ekarikon, ayong eyokii amana keng."

"Kebala kolong Akine kori atoanikini narikoru a?" King'is Amesek.

Apotu ng'itieng topupokin atamar eyaari Akine akimuj nieyei Ipaka.

Tama Akine na eriamunotor ka ng'itieng, "Ayong arai ekarikon kus jik!"

"Kieni sua iyong ang'aunoi kiyaar lokarikon lokitetet," tamasi ng'itieng.

Abu aite kiriyaa akine jik tanang nawi ekapolon alokitete.

Ng'akiro echegererea Akine ng'irwa daang ebeyo torikoroe ng'una!