Wangar u i yilan er Sati Agirigi la mbasulev kpishi mba tse ken ayough a uchimbi.

Shi ve maa atumbe a kosun iyuav lu iwyuna ve.

Mbamaren av man anigbianev av se mba tse ken ayough a uchimbi atar, cha a ishule.

Se maa zege ityumbe lu wuna wase u kosun iyiav.

Se lôô iyiav kposo kposo ken sule wase.

Se kaha iyough, ikyuleke, alogo, alev man abun.

Shien u sunda yô mbamaren av man aningbianev av vea mo ka se er tom kpishi.

Se kura iyiav cica se nyôr a min ken wuna.

Kwaghyan wase cii duen ken sule wase. Ngô wase ka a tôô ugen a za tee sha iyange i kasua.

Ka se ver ivor ciu lôôn shien u fam ugen.

Iyange i gen yô se yar u lôôn kwagh, tsô hondu abya u ainigbian wam aser.

Ngôm man tindim ken ya er m za tôô hondo ugen ken ityumbe.

M za nyer ken ya yô m bugh hunda u ityumbe gaher.

Kwagh kpiligh mo yô, m nenge ihyev aindi kposo kposo num ayem lu keren ajiir a yeren.

Ve yevese ve nyôr ken atihi a uyoo man aba a ikyuleke, kua alogo man alev. Ve ndihir tsoun.

Huan viing! Hen shien la m fa ityôikyaa aba a abun ka a heghem hanmô yange ye.

M za ôr terem kpa kpiligh un iyol ga.

A kaa er, "Ihyev kpishi ka I va ken toho sha ahula a wuna. Ihyev ngi ve a iangev kposo kposo. Ka nahan i doo u jiidi kwaghyan cii ve yan ye."

Se mba kurun yô se yôr.

Se mba ye kwaghyan, ter wase seer pasen se er, angev mbu genev mbu ihyev i samber a min yô ka Lassa Fiva u a woo or fefa la.

Ihyev ngi samber a ubo mbauangev kpishi je.

Sev mbu aven yô, se kera yar ga.

Se due a iyiav ken ityumbe cica se chir ahula a hyev ken kpekpe sha sementu.

Shi se paa akôngo paase paase.

Kwagh la un a wase se u yangen ihyev u van ikyua a atumbe man iwyuna yase.

Ihyev ngi soon ajiir a waang ga.