Jio aduri ꞌdaŋ hutto misihi Afîrîka.

Tô ôbô ôlôŋ, awon haniyoŋ ahouti, Ikuma, iko egigilita hûna.

Ettê ijiaran, "Alô nî îhûhûmana emuhita-hômôm jio êlûlûŋ watî hutto miji hôhôî hunno obeŋi ꞌtô owoni iko emuhita-hômôm."

Ajio nî, "Oyiji ôfîôrô hûnîa! Ijiara êramak îyaŋ iko mônyê hôhôî alla afuonni isi îhaŋ!"

Hinyia afuonni monyoŋ iko îyaŋ îhaŋ, êttê hôhôî îramana ôfîôrô Ikuma hûnîa jihosi.

Ajio monyoŋ, "Oyiji ôfîôrô hûnîa, ŋarri hoŋ!" Buo fê îyaŋ êttê iruk.

"Alô nî ifiyo ômûk aboŋojin jio êlûlûŋ ikelesia hôhôî hunne efuonni ihuhumuniere emuhita-hômôm. Ijiara êfî Bêkê ôŋîda oluak ta arifio."

Tê ebotie hôlôŋ, îyaŋunei aŋoruo ikelesia afacanî boŋojin iko êpaddatî îhaŋ hôhôî.

Ihanak Ikuma ômûk aboŋojin iko êpaddatî itua putti, êttê idehina îkat-haji/îkahaji Bêkê, iko agagar ênnê îramak ꞌtô Bêkê jio ôŋîda inyi oluak ta arifio.

Itterio nyia Ikuma arifio emuhita-hômôm hûa buo nî iko Iruaŋi emijio.

Omîjak Ikuma arifio bêbê. Arîfû nyia inyi emuhita-hômôm arriaî.

Ehên hôhôî iko Iruaŋi emuhita-hômôm hûa jio, 1, 2, 3, 4, 5, attatî, 10, 20, 30, 40, 50, attatî buo 100!

Ihûhûmûnî nyia Ikuma iko Bêkê emuhita-hômôm hunno oremehini ꞌtô iboŋ êlûlûŋ miji ꞌdaŋ!

Eluak nyia buo fê hôhôî isi!

Omunoi nyia monyoŋ iko îyaŋ bêbê.

Tê ebotie hôlôŋ, abeŋi nyia monyoŋ iko îyaŋ ofuoi îgîamaî. Iruhi nyia isi 'daŋ jio efuo isi îharana emuhita-hômôm hûnîa jio miji hunno obeŋi ꞌtô owoni iko emuhita-hômôm.

Asararû nyia Ikuma ayyani-hanî îyaŋ, êttê iŋorottia îhas watî. Ajio îyaŋ, "Iyiuttatî amocio emuhita-hômôm hataî hûnîa oŋitek ꞌdaŋ."

Ihuania, alla alô fê Ikuma iwohuno aarî, êttê fê îrûmana aatî ꞌdaŋ iyyafatie emuhita-hômôm.

Irîsî nyia aatî ꞌdaŋ tô miji.

Gaa diyya, ifiyo îyaŋ, "Duri, êhan aŋaî êllê ettir ôbô arîŋ?"

Ajio Ikuma, "Efinia hôhôî ahas hôhôî ta aarî ika asebun!" Ettê nî îfônîhîna, "Kuyya efufusok ayyani-hanî."

Asuhotok îyaŋ ŋûyûû, "Atî eyyafak anyio êllê êbabalarû allet?" Ettê hôhôî ꞌdaŋ îtarraŋana, "Emuhita-hômôm hôhôî!"

1. Ofinia ahas hôî ta aarî.
2. Ofinia ahas hôî ta asebun.
3. Ofinia many asêt-sêt 20 kuyya îhîana dêê tô 1-20.
4. Ijôlû asebun addi ta aarî hunno olibori ꞌtô.
5. Opôtô ahas ta abôŋô ônnô olibo ꞌtô.
6. Anîa, alibori ahas hôî!

x