Oŋuaî nyia hohonyi hoŋ
Little Zebra Books
Leo Daly
Otuho

Eyyafatta nî emuhi-hômôm hoŋ alla alô nî allet.

Ifaû nanî emuhi-hômôm. Buo fê îfaû aatî hunno ômûk.

1

Afinia nî ahas hoŋ ta asebun ika aarî habeŋ nî alô addi ta haŋ.

Buo fê alla acohuno nî îhaŋ.

2

Ellê êfôny nî arrîahata hoŋ, ettirok hôhôî ôgûlîô hôhôî hama.

3

Oŋuaî nyia hohonyi hoŋ bêbê. Iyaraî inyi îttalîa.

Itagirriŋio monyoŋ êjûrî îttalîa oŋitek ꞌdaŋ, ôŋîda isi îramanî inyi asayyo hohonyi hoŋ.

4

Hôgôl nyia hohonyi hoŋ hobeŋ oŋuaî buo fê ahûan honyi ôŋîda.

Iyyak nyia inyi.

5

Attatî illaŋ itterio ayala.

Ettê ijiaran, "Odiaha ôgôllôk hoŋ."

6

Ajio iyyanyi hoŋ, "Ayalak îlôgûlê hôî." Ettê inyiak îramana inyi, "Iyyafak emuhi-hômôm. Alamaja kai! Ilo itoŋôî îŋêrêf hôî!"

7

Anîa, itoŋo illaŋ îŋêrêf honyi êttê îhîana.

8
You are free to download, copy, translate or adapt this story and use the illustrations as long as you attribute in the following way:
Oŋuaî nyia hohonyi hoŋ
Author - Little Zebra Books
Translation - Peter Akalkal
Illustration - Leo Daly, Magriet Brink
Language - Otuho
Level - First sentences
© African Storybook Initiative 2020
Creative Commons: Attribution 4.0
Source www.africanstorybook.org
Original source