Kade kwakukhona izimuzimu elisikazi. Ngelinye ilanga lokha nalikhambako litjhinga eduze kwelitsha, lahlangana nabantazana abancani abathathu.

Izimuzimu labuza abentazana lathi, "Ngubani kini othandwa khulu babelethi bobabili?"

Omunye wabantazana wathi umma ungithanda khulu." Omunye wathi, "Mina ubaba ungithanda khulu."

Kodwana wokugcina wathi, "Mina ngithandwa babelethi bami bobabili."

Izimuzimu labawa umntazana othandwa babelethi bobabili ukobana alisize ukuthwala iinkuni.

Yeke umntazana walandela izimuzimu.

Bakhamba ibangana elide. Umntazana wabuza izimuzimu wathi, "Ziphi iinkuni zakho?"

Izimuzimu laphendula lathi, "Ziseduze kwemithi nasiya ephambili!"

Nabafika eenkunini, umntazana wabuza godu wathi, "Ziphi iinkuni zakho?"

Izimuzimu laphendula lathi, "Silapha sesiyafika kwanjesi!"

Bahlangana nendoda endleleni nabakhambako. Labuza izimuzimu lathi, "Ngubani ibizo lomntwana wakho?"

Izimuzimu laphendula lathi, "Ubizwa ngokuthiwa sikhwama esikhulumako."

Umntazana wathoma wavuma ingoma.

Wavuma, "Mina angibizwa ngesikhwama esikhulumako. Ibizo lami nginguKaamungei! Bababe! Umma wami engimthandako. Bababe! Ubaba wami engimthandako! Bababe! Irhabha lami engisela ngalo ibisi!"

Indoda nayizwa umntazana avuma, yamthatha yabaleka naye yambuyisela ebabelethini bakhe.

Cosu cosu iyaphela!