U-Alake uthanda iimvakatjhi
Rasheedat Sadiq
African Storybook
isiNdebele

Koko, koko!

Kunetjhada elikhulu emnyango.

1

U-Alake uthabe kwamanikelela.

"Ungubani?" utjho abuza.

"Mma sinesivakatjhi!"

2

"Awa kulungile," kuphendula unina.

"Loyo kufanele kube nguMma uHassan. Ngibawa umvulele umnyango."

3

U-Alake uvula umnyango anokumomotheka. "Siyakwamukela mma, ngena ngaphakathi. Umma uyeza uzokuba nawe msinyazana."

UMma uHassan uqala u-Alake naye uyamomotheka.

4

Ngingakutholela okuselwako?" kubuza u-Alake.

"Awa ingasi okwanje, ngiyathokoza Alake," kuphendula uMma uHassan.

5

Lotjha Mma uHassan," kutjho unina ka-Alake alotjhisa. "Ngiyancancabeza ngokukulindisa."

"Awa umraro awukho mnganami, u-Alake bekangitjhejile."

6

Unina ka-Alake wamomotheka.

Iye, u-Alake mntazanyana omncani otjheja abantu kuhle, yeke ngiyazikhakhazisa ngaye," utjho kuMma uHassan.

7

8
You are free to download, copy, translate or adapt this story and use the illustrations as long as you attribute in the following way:
U-Alake uthanda iimvakatjhi
Author - Rasheedat Sadiq
Translation - Sponono Mahlangu
Illustration - African Storybook, Rasheedat Sadiq, Wiehan de Jager
Language - isiNdebele
Level - First paragraphs
© African Storybook Initiative 2018
Creative Commons: Attribution 4.0
Source www.africanstorybook.org
Original source