Kade kwakunomndeni oneplasi elikhulu. Bewunamantongomani amanengi nesiphila esinengi eplasini lawo.

Zoke iinlwana ezinemilenze emine zaya eplasini ukobana ziyokudla iintjalo zomndeni lo.

Njenganje umqasana bewuhlakaniphe khulu. Bewugada abanikazi nabeza eplasini.

Umqasana bewuthi nawubona abalimi beza urhuwelele, uthi, "Iinlelesi! Iinlelesi!" bese zoke iinlwana ziyeqa msinya zibaleke.

Lokha isikhathi nasikhambako, umndeni walemuka bona iintjalo zawo ziyadliwa.

Babeka unompopi omkhulu ukuthusa iinlwana nokobana uvikele iplasi. Bafaka idlhu emzimbeni woke kanompopi.

Ngelanga elilandelako, iinlwana zaya eplasini zabona unompopi. Zabona kungcono bonyana zingasabuyeli ngombana bezicabanga bona unompopi uzozibamba.

Unompopi wathusa zoke iinlwana, ngaphandle komqasana. Umqasana wabuyela godu ngelanga elilandelako.

Umqasana waya kunompopi wathi, "Nange ngikubetha ngesandla sami sokudla, uzakufa!"

Umqasa wabetha unompopi ngepama bese isandla sawo sokudla sanamathela phezu kwedlhu.

Umqasana waya kunompopi wathi, "Nange ngikubetha ngesandla sami sesincele, uzakufa!"

Umqasa wabetha unompopi ngepama bese isandla sawo sesincele sanamathela phezu kwedlhu.

Umqasana waya kunompopi wathi, "Nange ngikurarha ngemilenze yami, uzakufa!"

Umqasa wawurarha ngemuva kwalokho imilenze yawo yanamathela kunompopi.

Umqasana waragela phambili wathi, "Nange ngikubetha ngehloko, uzakufa!"

Ihloko yomqasa yanamathela kunompopi.

Njenganje umzimba woke womqasana besele unamathele kunompopi.

Khona mhlokho, umlimi nonakwakhe kanye nendodakazi yabo encani baya eplasini.

Bathola umqasana unamathele kunompopi bawuthatha bawunikela umntazana ukobana awuse ekhaya. Nakafika ekhaya, watjela udadwabo omdala ukobana awupheke.

Kodwana umqasana wanikela abantazanyana laba imiyalo ehlukileko. Wathi kibo kufanele bapheke umkukurumbu omkhulu womndeni ukobana udliwe ntambama.

Umqasana wabatjela nokuthi kufanele bawunikele isudu kayise.

Abentazana bona bapheka umkukurumbu. Bathatha isudu kayise bayinikela umqasana, baphakela ukudla kwantambama.

Umqasana wathatha amathambo wawafaka ngaphakathi kwesikhwama sembaji.

Ngemva kwalokho umlimi nonakwakhe bafika ekhaya.

Umqasana weqa ngefesdere wabaleka.

Babiza izinja zabo ukobana ziwugijimise ziwubambe.

Lokha izinja naziza emqaseni, wakhupha amathambo esikhwameni sembaji yawanikela izinja.

Izinja zajama zaququda amathambo.

Umqasana wagijima msinya khulu, bewafika lapha kunesitokana sengcenye enedaka khona.

Umqasana wazigeda edakeni lelo bekwafika lapha uboya bawo bebuvalwe khona madaka atshetlha. Khonokho wajama endleleni.

Abantu nabafika kiwo umqasa, akhange basawazi.

Bawubuza bathi, "Akhange ubone umqasana obovu udlula lapha ugijima?" Umqasana waphendula wathi, "Awa!"

Abantu baragela phambili bangena indlela.

Iphelela lapha indatjana yethu!