Makore ekudhaya maningi kwakanasirwa nyere yekukhaba bhora.

Pazvakazikanwa kuti kune nyere yebhora vanthu vakatakana maningi veiida veshe.

Pakatorwiwa hondo hurutu vanthu nenyika dzeshe veipenya pane nyere iyana. Nyere yainga yarashika.
Makore mazhinjitu akadarika pasina waiziya kuti iri paini. Kwaizwi yaizoonekwazve kana kwabarwa mukhabi mukuru webhora.

Pasina mukuwo wakareba pakazobarwa kamurumbwana kaizwi Nyasha.

Nyasha kakabarirwa mumphuri yakaromboka.

Baba vaNyasha vakatamika kacho kadoko. Vasati vatamika vakakahina nyere iyana yaipenywa pashi reshe.
Pakuamba Nyasha akana zvakakatomboziya. Kaitoti nyere iyi aina mushando weinawo.

Pakakazokura kuita jaha, Nyasha kakaqaya kukhabawo bhora nevangani vako.

Kaishamiswa ngekunyunya nekumwisa kwakaiita vangani vako mubhora.

Apapo ndipo pakakazonyumwa kuti nyere iyana yaiya nesimba pakukhaba bhora. Kakazotoqabanga kuti kaishandise kuita mare ndiyo.
Kaizobourira mai ako chitoro. Kaizofundisazve hunun'una nehukunda hwako chikora.

Kazonasa kukura Nyasha kakatozoita mukhabi mukuru webhora.

Vanthu vamweni vakagqina ngekuti Nyasha amunthupi ngemakhabire ake ebhora. Vamweni vaiti mudzimu vamweni vakati ingirosi.

Kuguma nanyamashi apana unoriyarwa Nyasha mukhabi mukuru webhora pashi reshe.