Ngise ngise, Kpev lu ken gar u i maa i kase yô. Iti i gar la er Ganhwa.

Shie la ivo cii lu a icha yugh yugh er iwa man ugbaseela nahan.

Yange igen yô, Kpev za ken toho u za dughun iyough sha ciu tsombor na.

Ngur hidyen a tsuwa youghu yô, wura gba nôôn un.

Kpev yevese ta ken bar u yeren wura. Nyer yô, a mande sha Dwem.

Cier ivo iyol, nahan a ver tsuwa nya, a wa iyol u yevese.

Shien shon môm, zum u Dwem nule er una ta num sha Kpev la, Begha kpa va nyôr.

Mciem gba Kpev iyol je gande tsô a jingil ityough shi a nduul iyol.

Mngerem ma sha iyol na cii man shambe kwa môm haa Begha man Dwem iyol.

"Kpe kya!" Begha kpiligh iyol. "U er nan ve u nduul iyol nahana?"

"Ka ikpyaer i m zer shin ityô ne. Mba yer i er Ganhwa," a tese ve ake na.

"Ka shami! Mo kpa u korom i nyian," Begha kaa nahan.

"U va a ikyôvugh ki dwem. Shi saa u tam ki ki a via lugh lugh," Kpev pase ve nahan.

Dwem gba nôngun er un a yevese kpa gema nenge Begha lu sha zwa u bar.

Begha gema choon ikyôvugh ki Dwem na Kpev.

Kpev gema ki chiv shin tsuwa man na Begha.

"Tam lugh lugh, kpa de menan ga," Kpev wa Begha tindi nahan.

Begha tam ikyôvugh ki Dwem. Kpa kwagh la nyoho un gande, tsô a mena.

Begha shi za uwegh choon ikyôvugh ki Dwem. Kpev shi chiv shin iyough la na Begha.

Hanmô shie cii Begha a mena gbimiin.

Dwem mee teghelee osugh zum u Begha timbir ashe u tamen kwagh yô. Iyol i Dwen cica hingir avav.

Begha man shi moughun ityough sha yô, Dwem gba ica.

Begha chir sha Dwem, Kpev kpaa kar ayem.

Begha za hidi ken bar yô, a kohol Kpev kpaa ga.

Begha zenda Kpev zanzan za kohol un zum u zulum a tsuwen gban ken gya yô.

Begha man nalegh er una gba Kpev uwegh sha Ganhwa u lu zungur shin anam la.

Kpa a kôr tsa tsegher.

Kpev osugh nyôr ken gya u Ganhwa kpa tion tsa u gen la saa sha akughur a Begha

Ka pe ilu ve, ivo cii i lu a icha gendee man dwem cii ve lu a aben iyol je ne.