Vari musombwe mmoddene nddina naye ari Abel. Attopolla ekharo.

Abel kharina owetesa ekharo yapsyeyo. Allotta wa murokoriye Meri, "Kinapalla owetesa ekharo ella. Ngakinnye echidole yawolla. Akeratthi mu ekharo ella."

Nave Meri aheraa, "Ngipalla kimpalla echidoleaka." Mvo Meri akhotiha echidoleaye. Abel asha murima. Amwakha echidoleyo nimukakha.

Meri aputha muwono mmodda we echidolle. Abel aputha nave Meri aputha. Muwono wa echidolleyo washomolleya.

Meri ahinlla nutthamakella wa ammenya. "Ngonani amma," olliyeni allotta, "Abel akakha muwono wa echidolleaka nave muwoniwa wokarakanyuwa. Ampalla ekhalle owetesa ekharoaye vano kimpalla otheellano."

Amenya yahera, "Abel khahenre phaama."

Amenya yaganizira mmo anamuhuddiherewa mwaniwa wi ahipareke echidole ya murokoriye. Aphwanya yawera.

Aphwanya mukhwaye oyo ari dokotalla anamuveka, "Kimpalla okikavihere." Dokotalayo akoha, "Kinawukavihere tti?"

Amenya yallota, "Mwanaka Abel anoniha mkhallello onanara mallapo alla. Aputha muwono wa echidolle ya murokoriye. Kimpalla ahipakeke iddo.

Osiisero kinomullella wi awehe echidolleyo wi ahellellewo muwono."

"Mwamullelle Abel wi allivelle va mutteko opharewe. Khara nirive nikobiri, nave munoramullella wi ahuwe ekharoyinu yullupalli yakhalle eyoekhallani ni nihiro," amoowe yahera.

"Ee-ee! Ddinolokhalla phaama," dokotalla attheya.

Amenya Abel yahokollella owaniwa. Yamukoha Abel, "Wavoriwa pena waphoreya oya uwi?" Abel ayankha, "Kavoriwa pena kaphoriya kinllella oya wa dokotalla."

Amenya Abel yamullella, "Wovoreya echidolle nave oyikuse oyena wa dokotala."

Nave Abel ayikusera echidoleyo wa dokotala. "Echidollle yophoreya monanara. Ammani yokillella wi kikusere wuno. Adokotala munollokinya muwono wamusha."

Dokotalla yahakullella woona echidolleyo. Anorohillellawo muwono.

Adokotala yamullella Abel wi, "Kohellella echidolle muwono musha. Okillivelle. Ori ni makobiri akavi?"

Abel ahakhulla, "Chonde adokotala, ngina nirive nikobiri. Ngonakwanihe orivella viya mutteko oyo muphallenyu."

Adokotala yamullella, "Kohiwa! Khona nirive nikobiri? Ekharoaka yullipali ttiyonanara oyihuwe malipiloene enakhalle yayo."

Abel akusa endowa ya maddi na ekuwo yohuwella. Yamukusera enthawi yorekama wi ahuwe ekharoyo.

Abel akusa echidolle nummwinya mwanena Meri. Ahakallalla numullella Abel, "Ori murokoraka aphaama. Kohukotella vopotokosa echidolleaka."

"Murokoraka, pepani kasha murima, kahukhumudwiha," allota Abel.

Ovenyera vavo, Abel ahiye okusattho ddeko dda murokoriye. Nave ahasesa wi ehambaneke.

Abel anupuwella orekama wa enthawi eyo akusalleye vohuwa ekharo yullupalli yonanara ya adokotala. Ahonattho wi mutteko aphareye na mutengo wosha murima na okarakanyulla ddeko khittapharerana.