A Nita akolekwe mwinani nambo mwakupitikuka. Umbo syawo syelewu sikukwaya pasi.

Yitela, manyasi ni yindu yosope nombe nayo yiŵele mwakupitikuka.

Ngongolo syawo sili mwinani. A Navi akupita pamalopo nipo akwaŵeceta a Nita kuti, "Katema kane munyumamu, nam'weni soni mmwe apano. Mpitikwice soni! Mkutendela cici yeleyi?"

A Niva ngongolo syawo sikujajaŵala mwinani. A Nita akulinga kulisisa/kulijuya mu umbo syawo.

Ŵalakwewo akwasalila a Niva kuti, "Yikusawusya kuti mbecete. Nganimba cisawu mungusaŵela. Ngulepela kuti mbe ni mwe."

A Navi akamwile mkono wa a Nita. Akusosa kuti ŵakamucisye a Nita. A Nita ni a Navi akwesile mu citela. Kutyocela mwinanimo mpaka akombole kuyiwona yindu yejinji.

Jemanjajo atemi pa lunyambi mwangatenda lisegwe ni kwalolaga ŵanace ŵakung'anda.

Ŵanacewo nganaŵa ŵakulandana. Abe ali ŵakwimbala.

A Chi ŵana madomemadome ku meso.

A Lala ni ŵalewu mwakupelenganya.

A Bambam ali ŵagulucila nipo akwenela kuŵa pa ukoto.

Nambo a Lulu akuŵalanga mwacinunu.

Mlole umbo sya samwalamwa sya a Freya.

Nipo a Sid akusawala magalasi kwine kulikose.

Nombe une ni jwaganda kwejinji. Nipo mmwe ni mmwe. Mmwe nganim'ŵa jika. Mundu jwalijose ali jwakulekangana ni ŵane. Yalakweyo ni yayikutendekasya kuti mmwe ni une tuŵe ŵakulekangana.

Cilamboci yisyene uli ung'asi umo wekulungwa. Kuti tung'ande ngaŵa mkukomboleka kuti wosope tuŵe ŵakulandana.

A Nita akupikana cenene sambano ligongo lya mjawo jwasambano jwampatilejo.

Kutama mwakupitikuka kwaliji kwangalumbana. Sambano akung'anda ni jwalijose.