A Tamala ŵaliji mwanace jwamkongwe jwa yaka msano juŵatamaga ni acinangolo ŵakwe.

Musi wawo waŵandikene ni ukweti uwakwetei ni yinyama yakwitinji.

A Tamala ŵapikanilaga acinangolo ŵawo.

Ŵacingaga ngondolo ni mbusi.

Tamala ŵanonyelwaga kupikanila kwimba kwa yijuni ali mkucinga yilangoyo.

Yijuni yili mkwimba, ŵalakwewo ŵaŵikaga maloŵe gaŵo mu luga lwa yijunilo.

A Tamala ŵaliji ŵamwana kuti ajawuleje ku sukulu. Acinangolo ŵawo ŵakundaga ŵanace ŵaŵo ŵacikulilepe a Nashipaye ni a Tasiyeku kwawula ku sukulu.

Sukulujo jaliji kwanawula pa mkuli wa makilomita likumi.

A Nashipaye ni a Tasiyeku ŵajawulaga ku sukulu ni ŵanace ŵane ŵam'musimo kundaŵi ni kuwuja ligulo.

Ŵajigalaga yakulya.

A Tamala ŵawusisye mama ŵawo kuti, "Ana cinjijawula lyuŵaci ku sukulu?"

Mamawo ŵajanjile kuti, "Cimjale pangakaŵapa mwanangu jwapamtima."

Lyuŵa line galimoto jayice ni mwenye ni acim'masyeto ŵaŵili.

Mwenyewo ŵalolecesyaga kuti ŵanace akwawula ku sukulu ali pa msingu wakwenela.

Ŵandu ŵakulupililaga kuti, mwanace naga ali akombwele kupitisya mkono wakwe pamtwe ni kukamula liwiwi lya mbali jine, ni kuti ayice pa msingu wakutanda sukulu.

Mwenyewo ŵawusisye kuti, "Mkwete yaka yilingwa?" A Tamala ŵajanjile kuti, "Ngwete yaka msano."

"Tulole naga mpaka mkombolece kutanda sukulu," ŵatite m'yo mwenyewo.

Jumo mwa acim'masyetowo ŵakamwile mkoko wamlyo wa a Tamala ni kuwupitisya mwakunyemya pamtwe pa a Tamalawo.

Tamala ŵakamwile liwiwi lyawo iyakumciji.

A Tamala cajawuleje ku sukulu, jakulekangana ni ja a Nashipaye ni a Tasiyeku.

Sukulujo jaliji ja msambano soni jaliji pakuŵandicila ni kumangwawo.

A Tamala ŵaliji ŵakusengwa mnope nipo ŵaganisisye kuti, "Cimbalanjeje ni kulemba mpela a Nashipaye ni a Tasiyeku."