Aci ni come.

Aji ni mbwa.

Come ni mbwa akusaka kwambula.

Come ni mbwa akusaka kupaka utoto.

Come ni mbwa akusaka kutenda yakwambula.

Mbwa ni jijatandite.
Jajigele pensulo ni cikalakala.

Cipepalaco caliji cakulandana ulewu wakwe mbali syosope.

Candanda mbwa jajambwile cindu campela lindanda.

Calakweco ni cilandanyo ca cilu ca come.

Eee, cele cangasawusya.

Kaneko jajambwile yindu iŵili yandumba sitatu pa canya pa cilandanyo ca ciluco.

Yindu yiŵiliyo ni mawiwi ga come. Mbajo ni jajambwile soni cine ca ndumba sitatu cepiliwu mkati mwa cilandanyoco. Calakweci ni mbula sya come. Kaneko jajambwile kamsela pacanya pambulapo.

Sambano jajambwile meso ni nguŵikuŵi sya come.

Mesogo ni tudondo tuŵili.

Nguŵikuŵisyo ni misela jiŵili.

Eee, yangasawusya.

Kaneko jajambwile pakamwa pa come.

Pakamwapo ni kamsela.

Kakuoneka mpela cilembo ca 'w'. Mbwajo jajambwile soni ndewu sya come.

Ndewu sitatu kumciji nambo soni ndewu sitatu kumlyo.

Cakwambulaco cisigele panondi kumala.

Jajambwile makono ni ngongolo sya come.

Makono ni ngongolosyo ni tumiselape ni jajambwile yala ya come.

Yalayo ni tumisela twandendela ni jajambwile mcila wa come.

Mcilawo ni kamsela kelewu.

Pakumalicisya jajambwile tumisela pa cilu ca comeco ni kucisalalisya ni mtundu wa olanje.

Kaneko cakwambulaco camalile pele.

Eee, nambo ni kasalele.

Sambano ndaŵi ja come.

Come cajigele pensulo ni cikalakala.

Cipepalaco cakwete mbali siŵili syakulolegana syakulandana ulewu wakwe ni mbali siŵili syakulolegana syakulandana wipi wakwe.

Candanda Come cajambwile cindu campela lindanda.

Calakweco ni cilandanyo ca cilu ca mbwa.

Eee, ni cambone.

Kaneko cajambwile yindu yepiliwu yiŵili pacanya pa cilandanyoco.

Yindu yiŵili yepiliwuyo, ni mawiwi ga Mbwa ni cajambwile cindu ca ndendela cepiliwu mkati mwa cilandanyoco.

Cindu cepiliwuco ni lupula lwa Mbwa ni cajambwile kamsela pacanya pa lupulapo.

Kaneko cajambwile meso ni nguŵikuŵi sya Mbwa.

Mesogo ni tudondo tuŵili.

Eee, aci ni cambone.

Kaneko cajambwile pakamwa pa Mbwa.

Pakamwapo ni kamselape.

Kawonece kakwe nombe nako kaliji mpela cilembo ca 'w' ni cajambwile tudondo kusyungusya pakamwa pa Mbwapo.

Tutatu kumciji soni tutatu kumlyo.

Cakwambulaco cisigele panondi kumala.

Cajambwile makono ni ngongolo sya Mbwa.

Makono ni ngongolosyo ni tumiselape ni cajambwile yala ya Mbwa.

Yalayo ni tumisela twandendela ni caajambwile mcila wa Mbwa.

Mcilawo ukuwoneka mpela liluŵa.

Pakumalisya cajambwile tumisela twandendela twepiliwu pa cilu wa Mbwawo ni kusalalisya ni mtundu wa kale.

Kaneko cakwambulaco camalile pele.

Eee, calakweci ni cakunonyelesya mnope.

Mbite a Come.

Mbite kwambula kwa Come.

Mbite a Mbwa.

Mbite kwambula kwa Mbwa.