Document

Wàyn ə wùwì a ghə̀ gàʔə̀ nə̀mwìn

Ann Logialan

Jacob Kono

Ngɛs ə wàyn ə wùwì ətsɛn ə̀ ndìʔ a əlɔʔ. Kətsi kətsɛn kə jɨ̀ŋ zafə wɛn. Ghə̀ kwòʔ jì a ghə̀ a kiʔə kəfo ə zhɨ.

Ghə̀ bùm wùlɨm ətsɛn ghə̀ bə̀m a wɛn, "alɛ a wàyn ə wùwì? A nè ghɔ̀ wù jʉ̀ʔə̀ a?" Wàyn ə wùwì ayì bwìnsə̀ la "jɨ̀ŋ ə zafə mò."

Wùlɨm ayì kusə nshinsə a wàyn ə wùwì ayì. Ghə̀ gàʔ a wɛn la ghə̀ djʉ ə̀ tsɔ̀ŋ əfozhɨvə fa gə̀ ətsɛn. wàyn ə wùwì ayì nkó tɨmə̀ tsɔ̀ŋ fa chʉʔ a və mbwi wɛn.

Wàyn ə wùwì ayì lù sə̀ zàŋsə djʉ a gə̀ ayì.

Ghə̀ sə mbɔʔsə djʉ a gə̀ ayì ə̀ lyèsə̀ jì a ghə̀ zì ghə̀ tsɔŋ fa tsu. Ghə̀ zì sə̀ zhɨmə ndzàŋ:
Mà vì ə tsɔ̀ŋ əfozhɨvə ə-fo-zhɨ-və,
Mà jèʔə̀ tà ndzì-ndzì.

Viʔi zhʉ ndzàŋ ə wàyn ə wùwì ayì fa kəghaf, ghə̀ zhɨm ə vi kwɛn a gə̀ ayì.

Kənyʉ kə ndzàŋ akyì kə cho viʔi və bə̀m a wɛn la, "Wù lù fa fɛ?, Wù kəŋə ghɔ̀?, Wù zhɨmə ndzàŋ byìghɔ̀?"

Wàyn ə wùwì ayì gàʔ à və̀wenə la jɨ̀ŋ ə zafə yì, və̀wenə ku əfozhɨvə a wɛn.

Ghə̀ zhɨ ə mè və shəʔtə a wɛn la ətsɔŋ ə ko bɔ̀ŋ.

You are free to download, copy, translate or adapt this story and use the illustrations as long as you attribute in the following way:

Wàyn ə wùwì a ghə̀ gàʔə̀ nə̀mwìn

Author - Ann Logialan
Translation - Pius Akumbu
Illustration - Jacob Kono
Language - Babanki
Level - First sentences