Nita wakulendewera cakuzondoka, sisi lakhe litali likukhwaska pasi.

Makuni, utheka na vinthu vyose nivyakuzondoka yayi.

Malundi ghakhe ghali mucanya mumlengalenga. Navi wakujumpha apo Nita wali.

Wayowoya kuti, "Nkhakuwonaso pano dazi linyakhe. Wakhalaso cakuzondoka muhanyawuno! Nchifukwa wuli?"

Navi wasukhunya kalundi kakhe mucanya. Nita wakubisama kumanyuma kwa sisi lakhe.

"Nivyakusuzga kuyowoya," wakuphalira Navi. "Ine nili ngati mwaŵanyane yayi. Nkhutondeka kukhala pakati pa ŵanyane."

Navi wamukola pakawoko. Wakukhumba wamovwire kuti wapulikiske. Ŵakwera lumoza pamunthavi uwo Navi wakutemwa kukwera kuti wawone makola vinthu.

Pamunthavi uwu ŵangawona vinthu vinandi. Ŵakhazikika pamunthavi nakulaŵirira ŵana ŵakuseŵera.

Ŵana awo mbakuyana yayi.

Chi wanabamba.

Lala nimutali comene.

Bambam ngwavoko kweniso wakucita ivyo wakukhumba.

Lulu wakuŵerenga buku mwacinunu.

Wona sisi la Freya ndanyankhalala.

Sid wakuvwala magalasi kuli kose.

Sono ine, ndine wakughanda comene. Iwe nawe ndimo ulili wakupambana. Ulipo wekha yayi. Munthu waliyose wanacinthu cinyakhe ico cikumupangiska kukhala wakupambana na ŵanyakhe, ukupulikiska. Ivi vikutipangiska kuti iwe na ine tiŵe ŵakuyana.

Calo ici ndimo cilili. Nkhwamacitiko yayi kuti tose tiŵe ŵakuyana dankha kuti tiseŵerenge lumoza.

Apa sono Nita wamba kupulikiska, mubwezi uyo wasanga wamovwira.

Kukhala cakuzondoka nchinthu camaseŵera yayi. Sono wakuseŵera nawaliyose.