Tamara wakaŵa msungwana wavyaka vinkhondi uyo wakakhalanga na ŵapapi ŵake.

Muzi wawo ukaŵa pafupi na thengele ilo mukaŵa nyama zamthondo.

Tamara wakaŵa mwana wakupulikira ŵapapi ŵakhe.

Iye wakaliskanga mberere na mbuzi.

Tamara wakatemwanga kupulikizga kulira kwa tuyuni pala wali kuwuliska.

Pala tuyuni tukulira, iye wakimbanga sumu zakuyana naumo tuyuni tukulilira.

Tamara wakaŵa mwana mcoko kwamba sukulu. Ŵapapi ŵakhe wakazomerezganga ŵana ŵawo ŵalala, Nashipae na Tasieku kuluta kusukulu.

Sukulu ikaŵa pamtunda wamakilomita khumi kufuma pa muzi wawo.

Nashipae na Tasieku ŵakalutanga naŵanyawo kusukuu namulenji nakuwelako namise.

Iwo ŵakayeyanga vyakurya mumabakuli pakuluta kusukulu.

Tamara wakafumba ŵanyina, "Kasi nilutenge pawuli kusukulu?"

Ŵanyina wakazgola, "Ulutenge sonosono, mwana wane wakutemweka."

Dazi linyakhe, kukiza ŵafumu na ŵanakazi ŵaŵiri pagalimoto.

Afumu ŵakawoneseskanga kuti ŵana ŵakwamba sukulu munyengo yakhe.

Ŵanthu ŵakagomezganga kuti pala mwana wakukwaniska kukola khutu pala waŵika woko pa mutu, ndikokuti iye wangayamba sukulu.

Afumu ŵakafumba, "Una vyaka vilinga?" Tamara ŵakazgola, "Nina vyaka vinkhondi."

"Leka tiwone pala ungaluta kusukulu," afumu ŵakayowoya.

Mwanakazi yumoza wakatola woko la Tamara lamalyero na kumuŵika pa mutu.

Tamara wakakola khutu lakhe la mazele.

Tamara wangaluta kusukulu yinyakhe yakupambana na uko ŵakuluta ŵabali ŵakhe.

Yikaŵa sukulu yipsa na yapafupi nakwawo.

Tamara wakakondwa comene.

Mumtima wakati, "Nimanyenge kuŵazga na kulemba ngati Nashipae na Tasieku."