Uyu ni Cona.

Iyi ni Ncheŵe.

Cona na Ncheŵe ŵakukhumba kujambula.

Cona na Ncheŵe ŵakukhumba kupenta.

Cona na Ncheŵe ŵakukhumba kupanga vinthu vyaluso.

Ncheŵe ndiyo yayamba.

Iyo yatola phensulo na pepala lakuyanawaka mphepete zose (sikweya).

Pakwamba Ncheŵe yajambula cakuyana na ovo.

Ili ni thupi la Cona.

Hee, ici nchipusu!

Ndipo wajambula mathilayango yaŵiri pacanya pakhe.

Mathilayango yaŵiri ni makutu ya Cona ndipo wajambulaso thilayango yifipa
mkati mwakhe.

Thilayango yifipa ni mphuno ya Cona ndipo wajambulaso kamzere pa canya pa mphuno.

Sono wajambula maso na size za Cona.

Maso ni madontho yaŵiri.

Size ni mizere yiŵiri.

Hee, ici nchipusu!

Ndipo wajambula mulomo wa Cona.

Mulomo nkhamzere.

Kakuwoneka nga nchilembo ca "w" ndipo wajambula maweya ya Cona.

Maweya yatatu kumazere yatatu kumalyero.

Cithuzi cili pafupi kumala.

Wajambula mawoko na malundi ya Cona.

Mawoko na malundi nthumizere. Wajambulaso njoŵe zakumalundi za Cona.

Njoŵe zakumalundi nthumaseko. Ndipo wajambulaso mcila wa Cona.

Mcila nkhamzere katali.

Pawumaliro wajambula tumizere pa thupi lose la Cona nakulipenta mutundu waolenji.

Cithuzi camala.

Hee, ici nchakutowa!

Sono ni nyengo ya Cona.

Watola phensulo na pepala.

Pepala ndalekitango.

Pakwamba Cona wajambula ovo.

Ovo ni thupi la Ncheŵe.

Hee, ici nchiwemi!

Ndipo wajambulaso tunthu tuŵiri tufipa twakuyana na mphembe.

Twakuyana na mphembe tuŵiri ni makutu ya Ncheŵe ndipo wakajambulaso kaseko mkati mwa ovo.

Kaseko kafipa ni mphuno ya Ncheŵe ndipo wajambula mzere pacanya pa mphuno.

Sono wajambula maso na size za Ncheŵe.

Maso nthumadontho tuŵiri.

Size ni mizere yiŵiri.

Hee, ici nchakukholweska!

Ndipo wajambula mulomo wa Ncheŵe.

Mulomo nkhamzere.

Kakuwonekaso ngati nilembo la "w" ndipo wajambulaso madontho kuzingilizga mlomo wa Ncheŵe.

Yatatu kumazere yatatu kumalyero.

Cithuzi cili pafupi kumala.

Wajambula mawoko na malundi ya Ncheŵe.

Mawoko na malundi ni mizere ndipo wajambulaso njoŵe zakumalundi za Ncheŵe.

Njoŵe ni maseko ndipo wajambulaso mcila wa Ncheŵe.

Mcila ukuwoneka ngati luŵa.

Paumaliro wajambula maseko yafipa pathupi la Ncheŵe nakulipenta na mtundu wa yelo.

Cithuzi camala.

Hee, ici nchiwemi comene!

Pawemi Cona.

Pawemi cithuzi ca Cona.

Pawemi Ncheŵe.

Pawemi cithuzi ca Ncheŵe.