Nita walende muchanya chakapingizyoli, sisi laki litali lichita kupeya pasi.

Vimiti, uteka, ndi vinthu vinyaki vosi viwoneka vakupalanyika.

Malundi ngaku Nita nge pholi muchanya. Mwana munyaki zina laki Navi wajumphanga.

Wangumunene Nita wanguti, "Nkhakwamba cha kukuwona iwi pamalu yanga. Wachita so kapingizyoli! Kumbi uchitiyanji viyo?"

Apa ndikuti malundi ngaku Navi ngasambila pamanapamana muchanya. Ndipu Nita watesesa kuti wabisami mu sisi laki.

"Mmma-zzyu ng-ngak-k-kana kut-t-tuwa," Nita wamuka. "Ndiyanana cha ndanyangu. Nditondeka kuseŵe nawu."

Navi watimuko janja Nita. Wakhumba kumuovya Nita kuti wavwisisi. Atolana ulendu wa pa muskoli wo Nita watuma ndi kuwona vinthu kutali.

Kutuliya pa muskoli wo akwanisya kuwona vinthu vinandi. Abota ndipu alelesa ŵana ŵaseŵe.

Ŵana ŵa ayananapu cha. Abe walipu.

Chii ndi yo we po.

Lala ndimutali ukongwa mwakujumphisa.

Bamubamu wakweŵesa ndipu mbumampha kumuleka ija.

Kweni Lulu waŵelenga mwakacheticheti.

Awona sisi la ku Fuleya le nyankhala.

Ndipu Sidi wavwala magilasi kosi ko watiya.

Ini ndilivi munofu, ndi viwanga pe ndi khungu. Ndipu iwi nawi we ndi mawonekelu ngaku. We wija cha.

Munthu weyosi ndi chinthu chachilendu. Iwi nawi ndipu ulili, ini nani viyo so.

Nita sonu watuvwa umampha, vyosi ivi chifukwa cha mubwezi waki mufya yo wasaniya.

Kuja chakapingizyoli yenga suzyu. Sonu waseŵe ndi weyosi.